Bahtıar jarady
Bahtıar Adamjan álem sahnasyn baǵyndyrdy, dep habarlaıdy Almaty-akshamy.kz.
Qazaqstandyq balet artısi Bahtıar Adamjan Rım operasy men Arena dı Verona sahnasynda óner kórsetip, Italıanyń talǵampaz kórermeniniń júregin jaýlady.
«Astana Opera» teatrynyń jetekshi solısi, Qazaqstannyń eńbek sińirgen qaıratkeri búginde shetelde jaqsy tanymal.
Balet ónerin kásip etken qazaq balasy jaıly sheteldik basylymdar jarysa jazyp, onyń ónerin joǵary baǵalady. «15 myń kórermen syıatyn Arena dı Verona antıkalyq amfıteatrynyń atmosferasy erekshe», – deıdi jerlesimiz.
«Kóptegen shaqyrtý túsip jatty, biraq onyń barlyǵy ysyrylyp, ýaqytyn aýystyra berdi. Dese de, saparymyzdy mamyr aıynan bastap kettik. Birinshi kórshi Reseı memleketine baryp keldim, sodan keıin, mine, kópten kútken Italıaǵa da jettim. Rım qalasyna bardym. Bizdiń Italıaǵa gastróldik saparymyz Verona arenasynan bastaldy. Bul áıgili «Laskalanyń etýali», «Roberto Bolle jáne onyń dostarynyń» gala-konserti boldy. Úlken festıvál osy baletpen aıaqtaldy», - dedi «Astana Opera» teatrynyń jetekshi solısi Bahtıar Adamjan.
Veronadaǵy festıválden keıin otandyq balet artısi Italıa kórermenimen 14, 15, 16 qyrkúıek kúnderi qaıta qaýyshqan. Onda ol kórnekti horeograf Rolan Petıdiń «Qudaı Ana sobory» qoıylymynyń Rım operasyndaǵy tusaýkeserinde Kvazımodo partıasyn tanystyrǵan. Eýropada qazaq baletiniń deńgeıin kórsetip qaıtqan Bahtıar Adamjan otandyq kórermendermen saǵynysyp kóristi.