Uıymdasqan qylmystyq top 11 qatysýshydan qurylǵan.
Qarjylyq monıtorıń agenttigi reıderlik jasady dep aıyptalǵan kúdikti E.Qospaev pen onyń senimdi tulǵalaryna qatysty tergeý bastady. Olar uıymdasqan qylmystyq top qurdy jáne oǵan qatysty degen kúdikke ilinip otyr, dep habarlaıdy Almaty-akshamy.kz
Uıymdasqan qylmystyq top 11 qatysýshydan qurylǵan, onyń 5-eýi qamaýǵa alyndy, al uıymdastyrýshy Eldos Qospaevpen birge 6 adamǵa izdeý jarıalandy.
Esterińizge sala keteıik, qylmystyq top Almaty qalasynyń kásipkerlerin qorqytý arqyly reıderlik áreketterin júzege asyryp otyrǵan.
UQT zorlyq-zombylyq pen qorqytý arqyly kásipkerlerdiń múlkin tartyp alýmen, kompanıalardaǵy úlesin óz atyna aýdarýmen jáne kóleńkeli bıznespen aınalysty.
Máselen, 2019 jylǵy 4 naýryzda Almaty qalasynda Qospaev óziniń sybaılastarymen birge bıznesti damytýǵa 160 mln teńge salǵan «Profit Trade Ltd» JSHS ıelerin óz úlesiniń 40%-yn UQT-nyń belsendi múshesi Imashevqa jazyp berýge májbúr etti.
Burynǵy basshylardy basqarmadan shettete otyryp, UQT músheleri qujattardy qoldan jasaý arqyly qalǵan 35% úlesti ıelendi.
Kompanıa alkogól ónimderin kóterme satýmen aınalysyp, turaqty tabys ákelgen.
Al, 2020 jylǵy 30 shildede Qospaevtyń qylmystyq toby óz bıznesine 400 mln. teńgeden astam ınvestısıa salǵan «Azovita Aktay» JSHS men «Azovita Atyray» JSHS menshik ıesiniń ómirine qaýip tóndirý arqyly UQT múshelerine kásiporyndardyń jarǵylyq kapıtalynyń 100% úlesin óteýsiz berýge májbúr etti.
Qospaev bastaǵan joǵaryda atalǵan UQT músheleri kompanıalardy óz baqylaýyna alyp, olardy Almaty, Atyraý, Qostanaı, Mańǵystaý oblystarynda, sondaı-aq Almaty qalasynda alkogól ónimderin zańsyz satýǵa paıdalana bastady.
Óziniń jazasyzdyǵyn sezingen Qospaev pen onyń UQT músheleri tabysty kásiporyndardy tartyp alýdy odan ári jalǵastyrdy.
2021 jyldyń shildesinde Qapshaǵaı sý qoımasynda «Kapchagai Marina Slub» JSHS-ne tıesili quny 2 mln. AQSH dollaryn quraıtyn demalys aımaǵyn kúshpen ıemdendi.
Sonymen qatar, Qospaev óziniń senimdi tulǵalary arqyly Almaty qalasynyń eń bedeldi aýdandarynyń birinde «Esentaı Sıtı» turǵyn úı kesheniniń qurylysyn júzege asyratyn «AV-Construction» JSHS-degi úlesiniń 75% ıelendi.
Qalǵan 25%-y belgili kásipker Ábdiǵapparovqa tıesili boldy, ol 2016 jyly JSHS atynan turǵyn úı qurylysyna 31 ga aýmaqty satyp aldy.
Kospaev pen onyń seriktesteri jeke basyn baıytý maqsatynda týystaryna páterler men komersıalyq úı-jaılardy rásimdeý arqyly JSHS múlkin urlady.
2018 jyldyń qazan aıynan bastap Qospaev pen UQT músheleri Babaev, Ábijanov, Tanashev, Kýdráshova jáne basqa da tulǵalar 3 jer ýchaskesin, 20 keńse úı-jaıyn jáne 113 páterdi ıemdendi. Sóıtip, 4,6 mlrd teńge somasyna zalal keltirdi.
Qospaev birlesken menshik ıesi Ábdiǵapparovtyń kompanıanyń múlkin urlaýmen baılanysty shaǵymdaryn boldyrmaý úshin onyń anasy S. Júnisbekovaǵa resimdelgen 25% úlesin alyp qoıý jóninde sheshim qabyldady.
Ábdiǵapparovty ustaý jáne keıinnen tutqyndaý UQT músheleri úshin onyń qart anasy S.Júnisbekovaǵa qysym jasaý quraly boldy, «AV-Construction» JSHS-degi úlesin ulyna túrmeden shyǵýǵa kómekke aıyrbastaýǵa ýáde berdi.
UQT músheleriniń shabýylyna tótep bere almaǵan Júnisbekova uly úshin qorqyp, kompanıadaǵy óz úlesin óteýsiz UQT músheleriniń atyna aýdaryp berdi.
Tergeý aıasynda UQT qylmystyq jolmen alynǵan múlkine tyıym salyndy - bul 133 jyljymaıtyn múlik, 11 jer, 35 premıým kólik jáne 9 mıllıon dollar qolma-qol aqsha.
Sonymen qatar, Qospaev eshqandaı qujatsyz Almaty oblysynda qala syrtyndaǵy baseıni, trenajer zaly bar sándi úı saldy. Onda ol asyl tuqymdy jylqylardy ósirdi, arystan, aıý, taǵy basqa jabaıy janýarlary bar haıýanattar baǵyn ustady.
«Qosymsha ishki ister organdaryna 2018-2021 jyldar aralyǵynda oryn alǵan, osy úıdiń qyzmetkerin UQT músheleriniń birneshe ret zorlaý faktisi boıynsha materıal jiberilgenin habarlaımyz. Reıderlik basyp alý faktisi jáne UQT jumys isteýine yqpal etken qatysýshy tulǵalardy anyqtaý boıynsha sotqa deıingi tergeý jalǵasyp jatyr»,- dep málim etti agenttik.