Belgili kınorejısser Bolat Qalymbetovtiń «Muqaǵalı» kórkem fılmi Shotlandıada ótken halyqaralyq Sent-Endrús kınofestıvalinde bes júldeni jeńip aldy.
Sh. Aımanov atyndaǵy «Qazaqfılm» kınostýdıasynyń baspasóz qyzmeti málim etkendeı, Sent-Endrús kınofestıvalinde «Muqaǵalı» kórkem fılmi birden bes júldege ıe boldy. Atap aıtar bolsaq, gran-prı, "Úzdik kınodramatýrg", "Úzdik kınorejısser", "Úzdik operator" jáne "Úzdik akter" atalymdaryna laıyq dep tanyldy, dep habarlaıdy Almaty-akshamy.kz QazAqparatqa silteme jasap.
«Muqaǵalı» kórkem fılmi bir jylda 10 halyqaralyq syılyqqa ıe boldy. Bul – buryn-sońdy bolmaǵan óte qýanyshty jańalyq. Barsha qazaq kınosyn qadirleıtin kórermenderge alǵysymdy bildiremin. Qazaqtyń uly aqynyn ulyqtaǵan fılm jastarǵa tek shabyt bersin, Muqaǵalı atamyzdyń ónerin darytsyn dep tilegim keledi. Táýelsizdik kúni qarsańynda álemniń beldi synshylary óz baǵasyn bergen bul júldeler – qazaq halqynyń ortaq jeńisi», - dedi fılmniń rejıseri Bolat Qalymbetov.
Mádenıet jáne sport mınıstrliginiń tapsyrysy boıynsha Sháken Aımanov atyndaǵy «Qazaqfılm» kınostýdıasy túsirgen týyndyda aty ańyzǵa aınalǵan qazaq aqyny Muqaǵalı Maqataevtyń ómiriniń sońǵy jyldary týraly baıandalady.
Qazaqstanda fılm 2021 jyldyń 21 qazanynda prokatqa shyqqan bolatyn. Álemdik premerasy 25-shi (PÖFF) Tallın kınofestıvali aıasynda ótti, onda qazaqstandyq kartına ekýmenıkalyq qazylar alqasynyń júldesine ıe boldy.