Bul baǵyttaǵy zertteý nátıjesi kórsetkendeı, qalalyq jerdi mekendeıtin qustar kóbinese antıbıotıkterge tózimdi bakterıalardy tasymaldaıdy.
Adamdarǵa jaqyn júretin jabaıy qustar antıbıotıkterge tózimdi bakterıalardy tasymaldaýǵa beıim ekenin jańa zertteý anyqtady. Ǵalymdardyń paıymdaýynsha, qustar boıyndaǵy bakterıalardyń antıbıotıkterge tózimdiligi negizgizinen adamdar men úı janýarlaryna dárilik zattardyń jıi qoldanýynan týyndaıdy, dep habarlaıdy aqshamnews.kz Islam.kz-ke silteme jasap.
Ǵalymdar jabaıy qustardyń mıkrobqa qarsy tózimdi bakterıalardy birneshe jolmen jınaı alatynyn alǵa tartyp otyr: máselen, shaǵalalar men qarǵalardyń qoqys polıgondarynan, al úırekter men qazdar sýy lastanǵan ózen-kólderde jınaı alady. 2019 jyly álemde shamamen 4,95 mıllıon ólim-jitim bakterıanyń dári-dármekke tózimdilik tanytýynan oryn alǵan eken, sonyń ishinde 1,27 mıllıony tikeleı osy sebepten (qustar arqyly juqtyrý sebebinen) bolǵan. Álemge áıgili Oksfordtyń Ineo ınstıtýty sarapshylarynyń pikirinshe, qalalyq jerdegi jabaıy qustar dárige tózimdi bakterıalardyń rezervýaryna (jınalatyn qory). Samýel Sheppard esimdi profesor jabaıy qustardyń boıynan antıbıotıkterge tózimdilik genderin tapqanyn atap ótti. Bul bakterıalar erkinen aıyrylǵan qustar arasynda, sonyń ishinde qus fabrıkalarynda taralýy múmkin. Zertteý barysynda túrli elderdegi 30 qus túrinen 700 qus sańǵyryǵynda kezdesken bakterıalyq genomdar taldaýdan ótkizildi.
Qustardyń mıkrobıomasynyń bóligi bolǵanymen adamdarda gastroenterıt týdyratyn Campylobacter jejuni shtamdaryna erekshe nazar aýdaryldy. Ádette, árbir qusta Campylobacter jejuni-niń belgili bir shtammy bolady. Alaıda, qalalyq jerdegi qustardyń boıynan antıbıotıkterge tózimdilikti týdyratyn gender úsh ese kóp kóptegen shtamm (qozdyrǵyshtar) tabyldy. Manchester ýnıversıtetiniń ǵalymy Danna Grıfford qustardyń boıyndaǵy antıbıotıkke tózimdi bakterıalardyń adam densaýlyǵyna keri áserin tıgizýi múmkin ekenin eskertkenimen bakterıalardyń qustardan adamdarǵa tikeleı berilgeni jóninde faktiniń joǵyn da jasyrmaıdy. Sol sebepti de bul taraptaǵy zertteý qosymsha zertteýlerdi qajet etedi.