Almatyda 30 adam óńirlik kadrlyq rezervke qabyldanady.
Almaty ákimdigi men QR Memlekettik qyzmet isteri agenttiginiń departamenti birlesip, qala ákimi Erbolat Dosaevtyń tóraǵalyǵymen óńirlik kadrlyq komısıanyń otyrysyn ótkizdi. Otyrysta óńirlik kadrlyq rezervke úmitkerlerdi irikteýdiń sońǵy kezeńi ótti, dep habarlaıdy aqshamnews.kz.
Oblystar men respýblıkalyq mańyzy bar qalalardyń óńirlik kadrlyq rezervine irikteýdiń birinshi kezeńi 1 naýryzda bastaldy. Úmitkerler bes kezeńnen ótýi tıis boldy. İrikteýge 35 jasqa deıingi, joǵary bilimi bar jáne keminde 3 jyl jumys ótili bar Qazaqstan Respýblıkasynyń azamattary qatysa alady. Almaty qalasy boıynsha birinshi kezeńde 261 úmitker qujat tapsyrsa, sońǵy kezeńge 43 úmitker jiberildi.
Qala ákimi Erbolat Dosaev fınaldyq kezeńge ótken úmitkerlerdi quttyqtap, sáttilik tiledi: olar buǵan deıin zańnamany bilý, jeke qasıetter men quzyretterdi baǵalaý boıynsha testileýden sátti ótken edi.
«El Prezıdenti Qasym-Jomart Toqaev daryndy ári maqsat qoıa biletin jastar úshin áleýmettik lıftiniń mańyzdylyǵyn birneshe ret aıtqan. Bizdiń óńirlik kadrlyq rezervimiz úmitkerlerimiz úshin osyndaı lıft bolatynyna senimdimin», - dedi Almaty ákimi.
Kelesi kezeńde «qurylymdyq suhbat» barysynda úmitkerler ózderiniń usynylǵan ıdeıalarynyń, qyzyqty jobalarynyń máni men maqsatyn, olardy júzege asyrý kezeńderin, yqtımal máselelerdi, kútiletin nátıjeler men olardy sheshý joldaryn ashyp kórsetti.
İrikteý qorytyndysy boıynsha 30 rezervıs óńirlik kadrlyq rezervke qabyldanady, olar eki jyl ishinde qaladaǵy jergilikti atqarýshy organdaǵy túrli bos laýazymdarǵa baıqaýsyz taǵaıyndalýǵa úmitker bola alady.
Óńirlik komısıa tóraǵasynyń orynbasary – QR Memlekettik qyzmet isteri agenttigi departamentiniń basshysy Álimhan Shynaraı, al komısıa quramyna qalalyq máslıhattyń tóraǵasy Meıirjan Otynshıev, Almaty qalasy boıynsha Tekserý komıssıanyń tóraǵasy Altaı Berdiqulov jáne qala ákimi apparatynyń basshysy Aıdar Jaqybaev kirdi.
Komısıa jumysynyń ashyqtyǵyn qamtamasyz etý maqsatynda irikteýdiń sońǵy kezeńinde Memlekettik qyzmet isteri departamenti táýelsiz salalyq sarapshylardy shaqyrǵan. Sarapshylar úmitkerler úshin irikteýdiń ashyq jáne ádil ótýin qamtamasyz etkenin atap ótti.
«Baıqaýǵa barlyq azamattyń qatysýǵa qaqysy bar, sarapshylar retinde biz qatysqan sońǵy kezeńde memlekettik qyzmetshilerden basqa bıznes ókilderi, muǵalimder, dárigerler, akademıalyq sala men kvazımemlekettik sektor ókilderi de boldy. Barlyǵyna teń qoljetimdilik qamtamasyz etildi. Ashyqtyq pen transparenttilik qamtamasyz etildi», - dedi «Almaty azamattyq alánsy» ZTB tóraǵasy Qaıyrjan Ábdihalyqov.