Jarysqa qatysatyn 100-ge jýyq qustyń qatarynda ıtelgi, qarshyǵa jáne búrkit bar
Búgin, 10 aqpan Jetisý oblysynda jastar arasynda «Qusbegilik» ulttyq sport túrinen Qazaqstan Respýblıkasynyń XIV chempıonaty bastaldy. Sporttyq is-shara 12 aqpanǵa deıin jalǵasady, dep habarlaıdy Almaty-akshamy.kz.
Chempıonatqa qatysýǵa Almaty, Qaraǵandy, Jambyl, Shyǵys Qazaqstan, Túrkistan, Mańǵystaý, Atyraý, Abaı, Jetisý oblystarynyń, sondaı-aq Astana jáne Almaty qalalarynyń jastary nıet bildirgen. Jarysqa qatysatyn 100-ge jýyq qustyń qatarynda ıtelgi, qarshyǵa jáne búrkit bar.
Esterińizge sala keteıik, qusbegilik ulttyq sporty qazaq tarıhynda tamyry tereńge taraǵan elimizdiń tól mádenı qundylyǵy bolyp sanalady. Qazaq ultynyń dástúrli salt-sanasymen etene baılanysyp, búgingi tańda bizge qaz-qalpynda jetken atalǵan ulttyq sport túrin bolashaq urpaqqa jetkizý – elim degen árbir azamattyń mindeti ári boryshy.
Qusbegilik QR Sport jáne dene shynyqtyrý isteri komıtetiniń buıryǵymen ulttyq sport túri retinde tanylǵan sátten bastap 7 memlekettiń qatysýymen 1 ret álem chempıonaty, 2 ret Azıa chempıonaty (5 memleket), 40-qa jýyq halyqaralyq týrnır men 15 ret Qazaqstan Respýblıkasynyń chempıonattary uıymdastyryldy. Atalǵan sport túri Astana, Almaty qalalarynda jáne elimizdiń basqa da óńirlerinde turaqty damyp keledi.