Ulttyq bank memlekettik baǵdarlamalarǵa qatysý úlesin tómendetpek
QR Ulttyq bankiniń tóraǵasy Ǵalymjan Pirmatov Májilis depýtattarynyń saýalyna bergen jaýabynda «7-20-25» baǵdarlamasy týraly aıtty, dep habarlaıdy Almaty-akshamy.kz QazAqparatqa silteme jasap.
«2021 jyly 7 baǵdarlamanyń 5-in qarjylandyrý toqtatyldy. Aıaqtalǵan baǵdarlamalardyń búdjeti 2,6 trln teńge qurdy. Bolashaqta taǵy 2 baǵdarlama aıaqtalady dep kútilýde, olar «7-20-25» baǵdarlamasy jáne ımportty almastyrýǵa jáne jańa óndirister qurýǵa baǵyttalǵan «Qarapaıym zattar ekonomıkasy». Alaıda túrli jaǵdaılar eskerilip baǵdarlama 2023 jyldyń sońyna deıin jumys isteıdi», - delingen Ǵalymjan Pirmatovtyń jaýabynda.
Osy jaýapqa oraı QazAqparat tilshisi Ulttyq bankke habarlasyp «7-20-25» baǵdarlamasynyń naqty qaı ýaqytqa deıin jalǵasatynyn surady.
Banktiń habarlaýynsha memlekettik «7-20-25» baǵdarlamasy 2029 jylǵa deıin jalǵaspaq.
Jalpy Ulttyq bank bolashaqta memlekettik baǵdarlamalarǵa qatysý úlesin tómendetpek.
«2021 jyly 7 baǵdarlamanyń 5-in qarjylandyrý toqtatyldy. Aıaqtalǵan baǵdarlamalardyń búdjeti 2,6 trln teńge qurdy», - dep jazady Ǵalymjan Pirmatov.