Ulttyq sportty jandandyrý baǵytyndaǵy sharalar legi jalǵasýda
Bul týraly Ulttyq sport qaýymdastyǵynyń prezıdenti Islambek Saljanov málimdedi, dep habarlaıdy Almaty-akshamy.kz.
Ulttyq sportty jandandyrý baǵytyndaǵy sharalar legi jalǵasýda. Búgin Ulttyq sport túrleri qaýymdastyǵy men Qazaqstandyq qusbegilik federasıasy arasynda áriptestik týraly memorandýmǵa qol qoıdyq. Memorandýmǵa sáıkes, Qusbegilik federasıasy resmı túrde bizdiń Qaýymdastyqtyń quramyna qosyldy.
«Qusbegilik – erte zamannan halqymyzdyń turmys saltymen bite qaınasqan saıatshylyq óner. Ata-babadan mıras bop jetken ulttyq qundylyqtarymyzdy ulyqtaý – bizge júktelgen úlken jaýapkershilik, qasıetti paryz», – dedi Ulttyq sport qaýymdastyǵynyń prezıdenti.
Sondaı-aq ol qusbegilik ónerdi kásibı turǵyda damytyp, halyqaralyq jarystarda ulttyq sport retinde tanytýǵa kúsh salatynyn aıtty.
«Búgingi basqosý aıasynda Federasıa basshysy Berik Ýálı myrzamen qusbegilik ónerdiń jaı-kúıin talqylap, tól ónerimizdi damytýdaǵy naqty sharalar josparyn jasadyq. Bıyl osy baǵytta 7 sporttyq shara ótse, kelesi jyly onyń sanyn eki ese kóbeıtemiz. Qusbegilik ónerdi kásibı turǵyda damytyp, halyqaralyq jarystarda ulttyq sport retinde tanytýǵa kúsh salamyz. Ózderińiz biletindeı, Memleket basshysy Qasym-Jomart Toqaev ulttyq sportymyzdyń jańǵyrýyn aıryqsha nazarda ustap otyr. Ulttyq sport túrleri qaýymdastyǵy osy tusta birqatar jumystarǵa muryndyq bolyp keledi. Qazan aıynda Jańaózen qalasynda sadaq atý boıynsha el chempıonaty ótti. Osy kúnderi Aqtóbe qalasynda Qaýymdastyq qoldaýymen toǵyzqumalaq boıynsha VI Álem chempıonaty ótýde. Oǵan 15-ten astam elden kelgen 80 sportshy qatysyp jatyr. Ulttyq bolmysymyzdy jańǵyrtý isindegi jumysymyz jemisti bolyp, ıgi sharalar legi arta beredi dep senemin», – dedi Islambek Saljanov.