Qus etin óndirý boıynsha Almaty jáne Aqmola oblystary kósh bastap tur.
Tamyz aıynyń qorytyndysyna sáıkes, qus etiniń baǵasy bir jylda 27,9%-ǵa ósti, dep habarlaıdy Almaty-akshamy.kz Energyprom.kz-ke silteme jasap.
Taýyq baǵasy 25,9%-ǵa, taýyq eti 28,5%-ǵa qymbattaǵan.
Qymbatshylyqty Mańǵystaý oblysynyń turǵyndary sezingen. Munda qus etiniń baǵasy birden 43,8%-ǵa ósken. Odan keıingi oryndarda Aqtóbe (37,8%) jáne Pavlodar (35,2%) oblystary bar. Taýyq eti baǵasynyń eń tómengi jyldyq ósimi Qaraǵandy oblysynda (15%) tirkeldi.
Tamyz aıynda dúken sóreleri men bazarlardaǵy taýyq baǵasy kılogrammy úshin ortasha eseppen 1,3 myń teńge bolsa, taýyq etiniń bir kelisi 1,2 myń teńgege satylǵan.
Osy jyldyń qańtar-shilde aılarynda jańa soıylǵan nemese salqyndatylǵan qus etiniń óndirisi 64,2 myń tonnaǵa jetken. Bul 2021 jylmen salystyrǵanda 3,5%-ǵa kóp.
Sonymen qatar 75,9 myń tonna muzdatylǵan qus eti óndirilgen.
Qus etin óndirý boıynsha Almaty jáne Aqmola oblystary kósh bastap tur.
Birinshi jartyjyldyqtyń qorytyndysyna sáıkes, otandyq kompanıalar qus eti men taǵamdyq qosymsha ónimderdi 71,1%-ǵa qamtamasyz etken. Byltyrǵy kórsetkish – 68,9%.
Óndiris 4,2%-ǵa ósip, et ımporty 6%-ǵa qysqardy. İshki naryqta óndiristi ótkizý kólemi 196,8 myń tonnaǵa jetken. Bul byltyrǵyǵa qaraǵanda 5,3%-ǵa artyq.