Qazaqstan et jáne et ónimderin, sút jáne sút ónimderin jetkizýdi ulǵaıtýǵa múddeli.
Qytaıdyń úkimeti Shyǵys Qazaqstan oblysynyń sapa ınspeksıasynyń zerthanasyna quny 11,15 mln ıýán bolatyn jabdyqty tapsyrady. Bul QR Aýyl sharýashylyǵy mınıstrligi men QHR Komersıa mınıstrligi arasynda qol jetkizilgen ýaǵdalastyqtyń arqasynda múmkin bolyp otyr, dep habarlaıdy Almaty-akshamy.kz ASHM silteme jasap.
QHR Tóraǵasy Sı Szınpınniń Qazaqstanǵa memlekettik sapary aıasynda tıisti kelisimge QR Aýyl sharýashylyǵy mınıstri Erbol Qarashókeev pen QHR-dyń Qazaqstandaǵy Tótenshe jáne Ókiletti Elshisi Chjan Sáo qol qoıdy.
QHR standarttary boıynsha akkredıttelgen zerthana qurý Qytaıǵa otandyq aýyl sharýashylyǵy ónimderiniń eksportyn ulǵaıtýǵa yqpal etedi. Budan basqa, Qazaqstan tereń qaıta óńdeý taýarlaryn, jemshóp pen qospalaryn, et jáne et ónimderin, sút jáne sút ónimderin jetkizýdi ulǵaıtýǵa múddeli.
Aıta keteıik, 2022 jyldyń 7 aıynyń qorytyndysy boıynsha, AÓK salasyndaǵy Qazaqstan-Qytaı taýar aınalymy 46,7% artyp, 412,5 mln dollardy qurady.
Otandyq aýyl sharýashylyǵy ónimderiniń eksporty 62,2% - 280,4 mln dollarǵa deıin ósti. Qytaıdan ımport 22,2% ulǵaıyp, 132,1 mln dollardy qurady.