Qurylys salýshylar kompanıa brendin baspanalardy jarnamalaý úshin paıdalanýda. Bul týraly Úkimet otyrysynda QR Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep habarlaıdy Almaty-akshamy.kz QazAqparatqa silteme jasap.
«Qurylys salýshylar tanymal kompanıanyń brendin alyp, qurylysty júzege asyrmaı, nysandy jarnamalaý úshin paıdalanady. Turǵyn úıdi salý jáne satý prosesin qurylys salýshynyń ýákiletti kompanıalary bolyp tabylmaıtyn úshinshi tulǵalar júzege asyrady. Bul nysannyń qurylysy úshin jaýapkershilikten, sondaı-aq monopolıaǵa qarsy jáne salyqtyq baqylaýdan ketýge jol ashady», - dedi agenttik tóraǵasy.
Onyń atap ótýinshe, qurylys salýshylarmen zańdy baılanysy joq uıymdar satqan páterlerdi satyp alýshylar quqyqtyq kepildiksiz qalýda. Bul turǵyn úı sapasyna jáne nysandardy tapsyrý merzimine qatysty jappaı shaǵymdardyń kóbeıýine sebep bolyp otyr.
«Kelisimsharttyń negizsiz sharttaryn mindetteý tájirıbesi keńinen taralýda. Bul - qurylys salýshylarmen, úlestes basqarýshy kompanıalarmen, baılanys, ınternet qyzmetteri, kabeldik teledıdar operatorlarymen kelisimshart jasasý, parkıng satyp alý boıynsha talaptar. Osylaısha, monopolıalyq qurylys naryǵy kórshiles naryqtardaǵy básekelestikti shekteıdi», - dep atap ótti Serik Jumanǵarın.