Bul týraly Úkimet otyrysynda Indýstrıa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy Almaty-akshamy.kz Elorda.info-ǵa silteme jasap.
«Memleket basshysynyń tapsyrmasy aıasynda mınıstrlik paıdalanýǵa berilgen kóp páterli jáne jeke turǵyn úılerdiń barlyǵyn tekserýdi josparlap otyr. Aqpan aıynyń sońyna deıin ákimdikter tıisti obektilerdiń tizimin jasaıdy. Naýryz aıynyń sońyna deıin statısıka jáne ádilet organdarynyń derekter bazasymen salystyryp tekserý júrgiziledi», - dedi Qaıyrbek Óskenbaev.
Sondaı-aq IIDM basshysy derekter sáıkes kelmegen jaǵdaıda vedomstvo tıisti usynymdar ázirlep, sheshimder qabyldaıtynyn atap ótti.
Qaıyrbek Óskenbaev jaldamaly baspanany sýbsıdıalaýǵa ótinimder qabyldaý boıynsha sıfrlyq platforma 15 naýryzdan bastap pılottyq rejımde iske qosylatynyn aıtty.
«Platforma elektrondyq sıfrlyq qoltańba arqyly ótinim berýdi jáne ótinish berýshiniń qoıylatyn talaptarǵa sáıkestigin avtomatty túrde tekserýdi kózdeıdi. Ol Sıfrlyq damý, ınovasıalar jáne aeroǵarysh ónerkásibi mınıstrligi, Ádilet mınıstrligi, Memlekettik kirister komıteti, Bilim jáne ǵylym mınıstrligi, Eńbek mınıstrlikterdiń memlekettik derekter bazalarymen ıntegrasıalaý arqyly iske asyrylady. Ótinimderdi qabyldaýdy 5 sáýirden bastaýdy josparlap otyrmyz», - dep túsindirdi mınıstr.