QR Indýstrıa jáne ınfraqurylymdyq damý mınıstri Qaıyrbek Óskenbaev qalalardaǵy qurylys nysandarynyń biryńǵaı kadastrlyq nómiri túziletinin aıtty, dep habarlaıdy Almaty-akshamy.kz QazAqparatqa silteme jasap.
«Qala qurylysy kadastry qala qurylysy qyzmetiniń ashyqtyǵyn, qala qurylysy jobalaryn ázirleý men iske asyrýdyń sáıkestigin qamtamasyz etýge múmkindik beredi.
Ol úshin biz obektiniń biregeı nómirin engizýdi pysyqtap jatyrmyz.
Bul birizdendirý, jeke sáıkestendirý nómirmen uqsastyǵy boıynsha sáýlet-josparlaý tapsyrmasyn berýdi, adamı faktordy boldyrmaı, bas josparlarǵa jáne egjeı-tegjeıli jobalaý josparlaryna sáıkes júıede eskızdik jobany kelisýdi qamtamasyz etedi», — dedi mınıstr Úkimet otyrysynda.
Sondaı-aq ol qurylys nysandarynyń qujattary túgel tekseriletinin málim etti.
«Qujattardyń nysanaly maqsatqa sáıkestigine túpkilikti tekserýdi júrgizýge múmkindik beredi», — dedi Qaıyrbek Óskenbaev.