Almatyda jańa Qurylys erejeleri, Qala qurylysy reglamenti jáne Qurylys obektilerin tekserý tártibi bekitildi
Almaty qalasy máslıhatynyń kezekten tys XXVI sesıasynda qalanyń qurylys salasyn retteýge baǵyttalǵan mańyzdy qujattar — Qurylys erejeleri men Qala qurylysy reglamenti qabyldandy. Bul sharalar qaýipsiz, turaqty jáne qolaıly qalalyq orta qurýǵa, núktelik qurylysqa tosqaýyl qoıýǵa jáne qurylys sapasyn baqylaýǵa baǵyttalǵan, dep habarlaıdy aqshamnews.kz
Qurylys erejeleri jańa nysandardy jobalaýmen salý, sondaı-aq bar nysandardy qaıta jańǵyrtý úshin naqty parametrlerdi belgileıdi. Abaı dańǵyly men ál-Farabı dańǵyly arasyndaǵy qurylys úshin bıiktik shekteýleri engizildi: barlyq tıptegi ǵımarattardyń bıiktigi 9 qabattan jáne 35 metrden aspaýy tıis. Biregeı nysandar úshin bul ereje qoldanylmaıdy. Qurylys barysynda tarıhı arhıtektýralyq murany saqtaý jáne taýly aımaqtarda ekologıalyq talaptardy saqtaý erekshe nazarǵa alynǵan.
Qala qurylysy reglamenti Almatynyń 2040 jylǵa deıingi Bas josparymen júzege asyrýǵa negiz bolmaq. Qujatta aýmaqty zonalaý, ınfraqurylym obektilerin ornalastyrýǵa qoıylatyn talaptar jáne qalalyq orta turaqtylyǵynyń parametrleri qarastyrylǵan. Reglament ekologıalyq jaǵdaıdy jaqsartýǵa jáne qala turǵyndarynyń ómir sapasyn arttyrýǵa, sondaı-aq ınvestorlar úshin prosedýralardy jeńildetýge baǵyttalǵan. Ákimshilik tosqaýyldardy jáne táýekelderdi azaıtý Almatyny bıznes úshin tartymdy etip, qurylys salasynyń damýyn yntalandyrady. Jańa normalardyń engizilýi sybaılas jemqorlyq táýekelderin tómendetýge jáne qala qurylysy prosesteriniń ashyqtyǵyn arttyrýǵa kómektesedi.
Sesıa barysynda depýtattar sondaı-aq Qurylys-montajdaý jumystarynyń ǵımarattar men qurylys jaılardyń tireý jáne (nemese) qorshaý konstrýksıalaryn turǵyzýǵa jáne rekonstrýksıalaýǵa qoıylatyn talaptarǵa sáıkestigin ınspeksıalaý úshin qurylys obektilerine barý tártibin bekitti, oǵan sáıkes ruqsat berý qujattamasynsyz, bekitilgen jobalaý-smetalyq qujattamadan aýytqýsyz qurylys-montajdaý jumystaryn júrgizý faktileri ınspeksıalaýdy júrgizý úshin negiz bola alady. Qurylys-montajdaý jumystaryn júrgizýdi bastaý týraly habarlamalar. Osylaısha, tártip onyń bastapqy kezeńinde zańsyz qurylystyń jolyn kesýge múmkindik beredi. Bul rette obektide tıisti túrde habarlanǵan múddeli tulǵanyń bolmaýy jospardan tys tekserý júrgizý normalarynan aıyrmashylyǵy ınspeksıalaý júrgizýge kedergi bolyp tabylmaıdy. Sáýlet-qurylys baqylaý jáne qadaǵalaý organdary Qazaqstan Respýblıkasynyń Kásipkerlik kodeksine sáıkes jospardan tys tekserýler júrgizýdi jalǵastyrady. Alaıda, kelesi kezeńde ınspeksıalaý sheńberinde buzýshylyqtar anyqtalǵan kezde jańashyldyq aýdan ákimdiginiń haty negizinde sharalar qabyldaý úshin jedel tekserý júrgizýge múmkindik beredi.
Sonymen qatar, máslıhat Almatydaǵy kondomınıýmdardy basqarý jáne jalpy múlikti kútip ustaý úshin 2025 jylǵa arnalǵan 1 m² úshin 40 teńge mólsherinde eń tómengi shyǵyn mólsherin bekitti. 2010 jyly belgilengen burynǵy tarıf 1 m² úshin 25 teńge boldy. Alaıda sońǵy 14 jylda qurylys materıaldary baǵasynyń ósýi, jumysshylardyń jalaqysynyń artýy jáne turǵyn úı qyzmetteriniń sapasyna qoıylatyn talaptardyń jaqsarýy sıaqty ekonomıkalyq jaǵdaılar eskerildi. Jańa mınımaldy tarıfti esepteý úshin bekitilgen ádisteme qoldanyldy, ol ınflásıany eskere otyryp, jyl saıyn túzetýdi qarastyrady. Depýtattar jańartylǵan mınımaldy tarıf turǵyn úı obektilerin tıisti kútip ustaýdy qamtamasyz etýge, kórsetiletin qyzmetterdiń sapasyn arttyrýǵa jáne megapolıs turǵyndary úshin qolaıly jaǵdaılar jasaýǵa múmkindik beretinin atap ótti.
Sondaı-aq, Almatyda turǵyndarǵa qajetti dári-dármekter men medısınalyq buıymdardy qamtamasyz etý boıynsha júıeli jumys jalǵasýda, bul stasıonarlyq jáne ambýlatorlyq jaǵdaılarda júzege asyrylýda. Alaıda, respýblıkalyq búdjetten alty túrdegi onkologıalyq jáne orfandyq aýrýlardy emdeýge qarjylandyrý mehanızmi joq, naýqastar sanynyń ósýi jáne jańa aýrýlardyń paıda bolýy qosymsha dári-dármektermen qamtamasyz etý qajettiligin týyndatty. Bul, buryn naýqastar óz qarajatyna satyp alýǵa májbúr bolǵan 5 túrdegi preparattarǵa qatysty. Osyǵan oraı, sesıa barysynda depýtattar máslıhat sheshimine ózgerister engizip, Almatyda tirkelgen belgili bir azamattyq toptardyń tegin dári-dármekpen qamtamasyz etilý kólemin keńeıtti.