Qazaqstan musylmandary dinı basqarmasy Qurban shalý rásimin qashyqtan ótkizýge arnalǵan qurban2024.kz saıtyn iske qosty.
Saıt qyzmetin Tóralqa májilisinde QMDB Sıfrlyq damý bóliminiń meńgerýshisi Tımýr Serikhanuly tanystyrdy, dep habarlaıdy Almaty-akshamy.kz Islam.kz-ke silteme jasap.
Musylman qaýymynyń qasıetti aıt merekesine oraı barsha qazaq elin Qurban aıt kúni júzege asatyn qaıyrymdylyq aksıasyna úles qosýǵa shaqyramyz. Halyqqa, ásirese úlken qalalarda turatyn jamaǵatqa ońtaıly bolý úshin bıyl da qurban shalý oflaın jáne onlaın formatta júzege asady.
Aıta ketsek, onlaın túrde qurban shalam deýshiler saıt arqyly qurbandyq malyn tańdap, Kaspi QR arqyly qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalsa bolady. Tapsyrysyńyz sátti ótse uıaly telefonyńyzǵa sms habarlama keledi. Qurbandyq shalynǵan soń onyń foto jáne beıne esebi tapsyrys berýshi kórsetken nómirge jiberiledi.