«Qaırat» fýtbol klýby jáne komandanyń bas bapkeri Qurban Berdyev kelisimshart merzimin ýaqytynan buryn aıaqtaý týraly kelisimge kelgen, dep habarlaıdy Almaty-akshamy.kz klýbtyń baspasóz qyzmetine silteme jasap.
Qurban Bekıulymen birge kómekshileri Ivan Danıláns, Dmıtrıı Kırıchenko, Andreı Masúra jáne Edýard Kýndýhov klýb sapynan ketedi. Berdyev oıynshy retinde de almatylyq klýbtyń namysyn qorǵaǵan. Jartylaı qorǵaýshy pozısıasynda almatylyq klýb jeıdesinde 160 oıyn ótkizgen. 90-jyldardyń basynda Qurban Bekıuly asıstent jáne bas bapker retinde «Qaıratty» baptady, 1992 jyly Qazaqstan birinshiliginiń jeńimpazy atandy. 2021 jyly Berdyev almatylyq klýbqa qaıta oraldy, alǵashynda baqylaý keńesi tóraǵasynyń keńesshisi qyzmetinde boldy, keıin negizgi komandanyń bas bapkeri atandy. «Sary-qaralar» Berdyevtiń baptaýymen alǵash ret eýrokýboktyń toptyq kezeńinde óner kórsetti, sonymen qatar Qazaqstan kýbogyn jeńip aldy.