Ata Zańǵa engizilgen ózgeristerdiń mańyzdylyǵyn halyqqa túsindirip, úgit-nasıhat júrgizý maqsatynda partıa shtaby respýblıka boıynsha 12 myńnan astam is-shara ótkizgen. Barlyq kezdesýler erkin, ashyq formatta jasaldy.
Kezdesýler barysynda azamattardan 20 myńnan astam usynys jınaqtalǵan. Endi AMANAT partıasy osy usynystardy saralap, eń ózektilerin júzege asyrý joldaryn qarastyrady.
Referendým kúni Amanat partıasynyń 28 myńǵa jýyq ókili elimizdiń barlyq saılaý ýchaskelerinde daýys berý barysy zańdylyǵynyń saqtalýyn qadaǵalady. Táýelsiz Qazaqstannyń eń basty qujaty – Konstıtýsıasy. Al ondaǵy jazylǵan árbir sóz mańyzdy ról atqaratynyn túsinýimiz kerek. Qazirden bastap eldegi oryn alyp jatqan ózgeristerdi durys saralap, oı túıip, nemquraılylyq tanytpaı, aıanbaı eńbek etý qajet.
Óz basym AMANAT fraksıasynyń múshesi jáne máslıhat depýtaty retinde Almaty qalasynda Konstıtýsıalyq reformalardy jan-jaqty túsindirý jumystaryna belsendi qatysyp, referendým kúni keler urpaqtyń ıgiligi úshin daýys berdim. Daýys berýdiń barysy ashyq ári ádil ótkenin tolyq senimmen aıta alamyn.
Jańa Qazaqstannyń bastamalary berekeli bolsyn!