Komanda quramynda 12 hokeıshi qalǵan
Shaıbaly hokeıden elordalyq «Barys» quramynda qazir 12 oıynshy qalǵany belgili boldy. Bul jóninde Qurlyqtyq hokeı lıgasy oıynshylardyń aýysý kestesinde kórsetilgen, dep habarlaıdy Almaty-akshamy.kz.
Bul málimetter KHL-dyń resmı saıtynda jarıalandy. Ol derek boıynsha qazir komanda quramynda 12 hokeıshiniń qalǵany anyqtaldy. Elordalyq klýb sapynda qalǵan hokeıshiler qatarynda Nıkıta Boıarkın, Andreı Shýtov, Ádil Beketaev, Samat Danıar, Egor Shalapov, Álıhan Ásetov, Dmıtrıı Gýrkov, Nıkıta Mıhaılıs, Egor Petýhov, Kırıll Savıskıı, Anton Sagadeev, Arkadıı Shestakov bar. Al túrli sebeptermen 13 hokeıshi komanda quramynan ketti. Bul tizimge Ionı Ortıo, Olle Alsıng, Erık Martınsson, Djo Morroý, Valerıı Orehov, Roman Savchenko, Iakob Berglýnd, Lınden Veı, Kertıs Volk, Kodı Kýnık, Iakob Lılá, Roman Starchenko, Tomash Iýrcho engizilgen.
Eske salsaq, buǵan deıin Fınlándıa quramasy 2022 jylǵy shaıbaly hokeıden álem chempıony atandy.