Qaýly 7 shildeden bastap kúshine enedi
Almaty oblysynyń turǵyndary arasynda SOVID-19 jáne jiti ishek ınfeksıalarynyń taralýyna jol bermeý maqsatynda óńirdiń Bas memlekettik sanıtarıalyq dárigeri Erǵalı Sydymanovtyń qaýlysy jarıalandy, dep habarlaıdy Almaty-akshamy.kz QazAqparat-qa silteme jasap.
Qaýly talaptary 8-11 shilde aralyǵynda, ıaǵnı Qurban aıt kezinde saqtalýy tıis. Qaýly mátini boıynsha, oblystyń qalalary men aýdandarynyń ákimderine, polısıa departamenti, din isteri basqarmasy, Veterınarıalyq baqylaý jáne qadaǵalaý jónindegi aýmaqtyq ınspeksıa, sondaı-aq aımaqtyń bas ımamyna kelesi talaptardy qamtamasyz etý mindetteledi:
1) maldy avtomashınalardan jáne jeke menshik úı ıelikterinen ótkizýge tyıym salý;
2) veterınarıalyq qyzmettiń resmı veterınarıalyq-sanıtarıalyq qorytyndysyn alǵan soıý pýnktteri men alańdarda (veterınarıalyq qyzmet bekitken tizbege sáıkes aýdandardaǵy soıý pýnktteri, alańdar) mal soıýdy jáne ótkizýdi uıymdastyrý;
3) mal soıýdy veterınarıalyq anyqtama bolǵan jaǵdaıda ǵana júrgizý;
4) oblystyń barlyq aýmaǵyndaǵy soıý pýnktterinde kúsheıtilgen memlekettik veterınarıalyq-sanıtarıalyq baqylaý jáne qadaǵalaý;
5) Qurban2022.kz saıtqa ótinim bere otyryp, onlaın rejımde qurbandyq shalýdy uıymdastyrý múmkindigi týraly halyqpen túsindirý jumysyn júrgizý;
6) tońazytqysh jabdyqtardyń, refrıjeratorlardyń jáne jeke qorǵanys quraldarynyń qajetti sanyn qamtamasyz ete otyryp, muqtaj adamdarǵa tez buzylatyn ónimderdi (qurbandyqqa shalynǵan maldyń etin) tasymaldaý jáne saqtaý jónindegi sanıtarıalyq-epıdemıologıalyq qaǵıdalardyń talaptaryn saqtaý.
Sondaı-aq, jiti ishek ınfeksıalarynyń jáne tamaqtan ýlanýdyń aldyn alý maqsatynda Almaty oblysynyń turǵyndary men qonaqtaryna usynylady:
1) qoǵamdyq tamaqtaný obektilerinde (toıhana, meıramhanalar, dámhanalar, asqanalar, meshitter jáne t.b.) jáne salttyq is-sharalardy ótkizý boıynsha qyzmet kórsetetin obektilerde ártúrli is-sharalardy ótkizý kezinde úıde daıyndalǵan taǵamdardy paıdalanbaý;
2) tez buzylatyn ónimderdi tek sýyq jaǵdaıda ǵana saqtaý. Azyq-túlik ónimderin, ásirese sút, salattar satyp alǵanda, jaramdylyq merzimine, shyǵarylǵan kúnine nazar aýdaryńyz, daıyndalǵan taǵamdy bólme temperatýrasynda 2 saǵattan artyq qaldyrmaý;
3) tek taza qaptamany (polıetılen, tamaq ónimderine arnalǵan konteınerler jáne t.b.) paıdalaný, qoqys pen tamaq qaldyqtaryn jınamaý, shybyndar men taraqandardyń paıda bolýyna jol bermeý;
4) kezdeısoq adamdardan nemese sanksıalanbaǵan saýda oryndarynan tamaq ónimderin satyp almaý; 5) jańa daıyndalǵan taǵamdy aldyńǵy kúnniń qaldyqtarymen aralastyrmaý, biraq eger daıyn taǵam kelesi kúnge qalsa, onda ony qoldanar aldynda termıalyq óńdeýden ótkizý (qaınatý nemese qýyrý).
6) turǵyn úıdi únemi taza ustaý jáne jeke gıgıena erejelerin saqtaý, kishkentaı balalarǵa qaınatylmaǵan sút, shıki jumyrtqa bermeý, tamaq daıyndaý úshin tek jańa ónimderdi paıdalaný.