Búgin Almaty qalasy Qazaqstan halqy Assambleıasynyń otyrysy ótti
Almaty qalasynyń ákimi, Almaty qalasy QHA tóraǵasy Erbolat Dosaevtyń qatysýymen Almaty qalasy Qazaqstan halqy Assambleıasynyń otyrysy ótti, dep habarlaıdy Almaty-akshamy.kz.
Keńes jumysyna Almaty qalasy ákiminiń orynbasary, Almaty qalasy QHA tóraǵasynyń orynbasary A.Qyryqbaev, Almaty qalasy QHA músheleri, Almaty qalasy QHA etnomádenı birlestikteriniń tóraǵalary men belsendileri, Qoǵamdyq kelisim keńesiniń tóraǵasy men músheleri, Analar keńesi, Assambleıa jastary, Kásipkerler keńesi, BAQ ókilderi qatysty.
Keńes barysynda Almaty qalasy Qazaqstan halqy Assambleıasy qyzmetiniń qorytyndylaryn shyǵarý jáne «Jańa Qazaqstan: jańarý men jańǵyrý joly» strategıasy sheńberinde aldaǵy kezeńge arnalǵan perspektıvalyq mindetter aıqyndaldy.
«Qazaqstan halqy Assambleıasynyń qyzmeti jalpyulttyq tatýlyq pen birlikti nyǵaıtý, beıbitshilikti saqtaý jónindegi mańyzdy memlekettik mısıany atqarady. Qazaqstan Prezıdenti, QHA Basshysy Qasym-Jomart Toqaev Qazaqstan halqy Assambleıasynyń XXXI sesıasynda Assambleıanyń azamattyq birlikti nyǵaıtýǵa qosqan úlesi zor ekenin atap ótip, QHA-nyń jańa bolmysynda beıbitshilik pen kelisim saıasatynyń berik ınstıtýsıonaldyq tiregi bolyp qala beretinine senim bildirdi. Q.Toqaev Qazaqstan halqy Assambleıasy qyzmetiniń úsh negizgi basymdyǵyn anyqtap berdi. Bul - QHA-nyń saıası reformalardy iske asyrýdaǵy rólin kúsheıtý, aqparattyq jumysty kúsheıtý jáne QHA-nyń qoǵamdyq áleýetin jandandyrý jáne quqyq qorǵaý qyzmetin kúsheıtý», – dep atap ótti Qoǵamdyq kelisim keńesiniń tóraǵasy men músheleri.
Otyrys barysynda Qazaqstan halqy Assambleıasynyń negizgi baǵyttary boıynsha baıandamalar tyńdalady. Pikirtalas kezinde Almaty qalasy Qazaqstan halqy Assambleıasynyń qyzmetin jetildirý boıynsha usynymdar men usynystar ázirlendi.