Polısıa Shymkentte esirtki jetkizý arnasyn joıdy
Arnaıy is-sharalar barysynda EQQİQB-nyń qyzmetkerleri qala aýmaǵynda psıhotroptyq zattardy taratýmen aınalysqan 24 jastaǵy er adamdy ustady. Odan jarty keli mefedron jáne 25 bir rettik doza salynǵan orama tabyldy.
Azamattyń jaldamaly páterinde 1 keliden astam ártúrli esirtki quraldary jáne olardy ólshep oraýǵa arnalǵan zattar tabyldy – tarazy, betperde, arnaıy kózildirik jáne t.b.
Tekserý kezinde oǵan esirtki quraldaryn Almaty turǵyny qalaaralyq taksı arqyly joldap turatyny anyqtaldy. Kúdikti áıeldi polıseıler kórshi qaladaǵy turǵylyqty jerinen ustady. Ol óz úıinde esirtki tabletkalaryn daıyndaýǵa arnalǵan zerthana uıymdastyrǵan eken. Azamatshadan 1,5 keli “sıntetıka” jáne basqa da esirtki túrleri tabyldy.
Áıel shymkenttik tanysyna taǵy bir “sálemdeme” jiberip úlgergeni belgili boldy. Smartfonnan bosaǵan qorapqa ol LSD psıhoaktıvti zatyn jasyryp, taksıge arqyly salyp jibergen.
Alaıda, tártip saqshylary avtokólikti anyqtap, esirtkini tárkiledi. Qazirgi ýaqytta kúdiktiler tergeý ızolátorynda.
Polısıa tergep-tekserý áreketterin júrgizilip jatyr.