Qulshynys armanǵa jeteleıdi
Bokstyń padıshasy atanǵan Muhammed Álı «Chempıon jattyǵý zaldarynda paıda bolmaıdy. Adamnyń ishindegi qulshynys arman, maqsat chempıondy týdyrady» depti. Osy oıǵa qarap, birtalaı oıdy shırata túsýge bolady. Sondaı-aq muny bir ǵana sport salasyna telý ábestik bolar. Áıgili sportshynyń pálsafaǵa toly oılary áli kúnge sheıin jurttyń jadynda keledi.
Qulshynys bastaýy nede? Óte tereń fılosofıalyq saýal. Biraq, tym jaýaby tabylmaıtyn kúrmeýli dúnıe dep te ataı almasymyz anyq. Olaı bolatyny, bunyń qupıasy árkimniń ózine ǵana aıan. Máselen, tanymal azıalyq mıllıarder Robert Kıosakıdiń ómirinen mysaldaıyq. Oǵan únemi óz ákesi (kedeı ákesi) sabaqty jaqsy oqýyn jáne aqshanyń adamdy buzatyndyǵyn eskertpe retinde aıtypty. Al ókil ákesi (baılyqtyń kózin tabýǵa úıretken ákesi) aqshanyń zor bılik, úlken múmkinshilik ekendigin udaıy dáleldep otyrǵan. Osy aradan bir nárseni alǵa tarta alamyz. Eń bastysy, balanyń ómirge, qorshaǵan ortaǵa, bolashaqqa degen qulshynysy myqty bolsa, bárine jetetinine ómir kýá. Bizdiń keıipkerimiz Robert eki ákesinen de ózine qajetti qasıetterdi boıyna sińire bildi. Sonyń arqasynda aty dúnıe júzine máshhúr bop tanyldy.
Talpynys túbi – tabys. Osy kúni barlyq adamzat órge shyǵýǵa qumartyp barady. Onysy qýantady. Durys-aq! Dese de, qulshynys ıgi qasıetterden tursa, nur ústine nur bolmaq. Áıtpese, joıqyn qarý oılap tabý, nebir zıandy bakterologıalyq aýrýlardy týdyrý syndy nárseler adamzatqa keri yqpalyn týdyrady. Tipti qıyn bolýy da ǵajap emes.
Túıin. Qulshynys – tirshilik bastaýy. Oǵan jetý ońaı. Sol ońaıdy qalyptastyratyn ózińiz. Úlken kisiler «adam jas kezinde táýekelshil bolady» dep jatady. Óte oryndy aıtylǵan pikir. Mine, osy qasıetterdi ıgilik jolyna jumsaǵandy abzal sanaımyz.