Respýblıkada koronavırýs ınfeksıasy boıynsha epıdemıologıalyq jaǵdaı turaqtanǵan
QR Premer-Mınıstri Asqar Mamınniń tóraǵalyǵymen ótken Úkimet otyrysynda Densaýlyq saqtaý mınıstriniń mindetin atqarýshy Jandos Búrkitbaev eldegi sanıtarlyq-epıdemıologıalyq jaǵdaı týraly baıandady, dep habarlaıdy Almaty-akshamy.kz
J.Búrkitbaevtyń aıtýynsha, álemde KVI-diń 275 mln astam jaǵdaıy tirkelgen, táýligine 500 myńnan astam jaǵdaı tirkelýde.
5,3 mln-nan astam adam qaıtys boldy. Dúnıejúzilik densaýlyq saqtaý uıymynyń Eýropalyq óńirinde sońǵy eki aptada 54 eldiń 15-inde syrqattanýdyń ósýi baıqalady. Sońǵy 14 kúnde Danıada syrqattanýdyń 70%-dan astam óskeni baıqaldy, Italıada, Shvesıada – 50%-ǵa, Fransıada, Ulybrıtanıada – 40%-ǵa, Norvegıada, Portýgalıada – 30%-dan astam ósti.
«Qazaqstanda sońǵy eki aptada syrqattaný 31%-ǵa tómendedi. Álemdik reıtıńte Qazaqstan koronavırýs ınfeksıasyna qarsy eki dozamen vaksınasıalaý boıynsha 208 eldiń ishinde 103-orynda, onyń ishinde Táýelsiz memleketter dostastyǵy elderi arasynda Qazaqstan ekinshi orynda tur, halyq sanynyń 44,5% vaksınamen qamtyldy», – dedi J.Búrkitbaev.
Respýblıkada PTR testtiń oń nátıjesimen koronavırýs ınfeksıasynyń 984 myń jaǵdaıy jáne PTR-diń teris nátıjesimen 83 myń jaǵdaı tirkelgen, naýqastardyń 96%-ten astamy emdelip shyqty. 18 852 naýqas emdelip jatyr. Jalpy Qazaqstanda sońǵy tórt aıda syrqattaný deńgeıi 16 ese tómendedi. Reprodýktıvti sany – 0,90 jáne tamyz aıymen salystyrǵanda 1,2 ese tómendegeni baıqalady.
Infeksıalyq jáne reanımasıalyq tósekterdiń qamtylýy 19%, sońǵy úsh aıda emdeýdi jalǵastyrýshylar sany 4,5 esege azaıdy. Halyqty KVI-ge qarsy vaksınasıalaý jalǵasýda. Birinshi komponentpen 8,9 mln astam adam egildi, egilýge tıisti halyqtyń 80%-ǵa jýyǵy qamtyldy. Ekinshi komponentpen 8,4 mln astam adam egildi, egilýge tıisti halyqtyń 75%-ǵa jýyǵy qamtyldy. Qazir Comirnaty (Pfizer) vaksınasynyń birinshi komponentimen 235 117 adam egildi, onyń ishinde 187 315 jasóspirim jáne 47 786 júkti jáne bala emizetin áıel bar. Ekinshi komponentpen 66 017 adam egildi.
«Vaksınalaý jalǵasýda. QR-nyń 303 myń azamaty revaksınasıa jasatty», – dedi Densaýlyq saqtaý mınıstri. Qazirgi ýaqytta respýblıkada koronavırýs ınfeksıasy boıynsha epıdemıologıalyq jaǵdaıdyń boljamyna sáıkes, jeltoqsan aıynda táýligine orta eseppen 560 jaǵdaı tirkelip, optımısik senarı oryndalyp jatyr. «Búginde respýblıkada koronavırýs ınfeksıasy boıynsha epıdemıologıalyq jaǵdaıdyń turaqtanǵany baıqalady, jaǵdaı mınıstrliktiń baqylaýyna alynǵan», – dedi Jandos Búrkitbaev.