Qūlpynaı tańdaǵanda není eskeru kerek? Onyń paıdasy men zıyany qandaı? Tolyǵyraq aqshamnews.kz materıalynda.
Mamandardyń aıtuynsha, satyp almas būryn qūlpynaıǵa mūqıyat qarau qajet. Jıdektíń túrí onyń sapasyna tíkeleı baılanysty. Jaqsy qūlpynaı qūrǵaq bolady, al shírík daqtary bolmaıdy. Písken jıdektíń túsí bírkelkí árí qanyq bolady, al japyraqtary jasyl boluǵa tıís.
Sondaı-aq, qūlpynaıdyń qūrylymyna da mán beru kerek — jıdek maıysqan nemese jarylǵan bolmauy qajet.
Qūlpynaıdyń ıísíne de mán beríńíz. Jaqsy písken jıdekterdíń hosh ıísí anyq bolady.
Al eń basty belgí — qūlpynaı men japyraqtyń arasynda sál keńístík bolsa, ol táttí bolady. Qyshqyl qūlpynaıdyń japyraqtary jıdekke tyǵyz jabysyp tūrady.
Qūlpynaıdyń paıdasy men zıyany qandaı?
Qūlpynaı qūramynda S dárumení kóp taǵamdardyń tízímínde kósh basynda tūr. Bar bolǵany bes qūlpynaı adam aǵzasyna qajet S dárumeníníń táulíktegí mólsherín tolyq qamtıdy.
Būl dárumen aǵzanyń jūmys ísteuíne asa mańyzdy. Atap aıtqanda, ol kollagenníń sıntezíne qatysady. Sondyqtan qūlpynaı teríní jūmsaq kúıde saqtauǵa kómektesedí.
Sonymen qatar, qūlpynaı teríníń jarqyrauyna yqpal etetín antıoksıdanttarǵa baı.
Qūramynyń arqasynda qūlpynaı - júrek-qantamyr júıesíníń saulyǵyn oılaıtyn adamdar úshín de taptyrmas óním. Ol kalııge baı, al būl element qan qysymyn retteude mańyzdy ról atqarady.
Artyq salmaqtan arylǵysy keletínder úshín de qūlpynaı óte paıdaly. 150 gramm táttí jıdekte nebárí 50 kalorıya men 3 gramm jasūnyq bar. Sondyqtan qūlpynaı - bálísh pen shokoladqa balama ízdep, aryqtaǵysy keletínder úshín mínsíz tańdau.
Bíraq qūlpynaıdyń kemshílíkterí de bar
Jıdektí tym kóp mólsherde jeu júrek aınu men íshtíń kebuíne sebep boluy múmkín. Dárígerler qūlpynaıdy ash qarynǵa jeudí ūsynbaıdy. Būdan basqa, qūlpynaı tís emalín búldíredí.