Taraz qalasy Polısıa basqarmasynyń 2-polısıa bólimine 24 jáne 40 jastaǵy Ózbekstan Respýblıkasynyń azamattarynan eńbekti paıdalaný deregi boıynsha aryz tústi.
Aryzda jábirlenýshiler er adam olardyń jeke basty kýálandyratyn qujattaryn alyp qoıyp, Taraz qalasyndaǵy qurylys nysandarynda jumys isteýge májbúr etkenin kórsetti. Olar qashyp úlgergen, alaıda ıeleri qujattaryn qaıtarý úshin aqsha bopsalaǵan, dep habarlaıdy almaty-akshamy.kz.
Atalǵan derek boıynsha QR QK 126-baby, 3-bóliginiń 2-tarmaǵymen (Zańsyz bas bostandyǵynan aıyrý) sotqa deıingi tergep-tekserý amaldary bastaldy.
Jedel-izdestirý is-sharalarynyń nátıjesinde polısıa qyzmetkerleri Túrkistan oblysynyń 35 jastaǵy turǵynyn anyqtady. Ol talap etken shamamen 500 myń teńge kólemindegi aqshanyń 200 myń teńgesin alǵan kezinde ustaldy.
Kúdikti óz kinásin moıyndady. Quryqtaý barysynda odan 200.000 teńge somasyndaǵy aqshalaı qarajat, «Redmı-7» markaly uıaly telefon jáne qujattar tárkilendi.
Qazirgi ýaqytta qylmystyq is boıynsha qajetti tergeý áreketteri jalǵasýda.