Koronavırýs qaıta kúsheıdi.
Sıngapýr densaýlyq saqtaý mınıstrliginiń málimetinshe, COVID-19 indetine shaldyqqandardyń sany bir aptada 32 035-ten 56 043-ke deıin ósken, dep habarlaıdy Almaty-akshamy.kz Business Standard basylymyna silteme jasap.
Sıngapýrda COVID-19 jaǵdaılarynyń kúrt ósýi men aýrýhanaǵa jatqyzylǵan naýqastardyń kóbeıýine baılanysty maska taǵý rejımi qaıtadan engizildi.
Bılik halyqty jedel respıratorlyq ınfeksıa belgileri bolsa úıde bolýǵa, betperde kıýge jáne áleýmettik qarym-qatynasty azaıtýǵa shaqyrady. Densaýlyq saqtaý mınıstrligi vaksınasıa jáne onyń aýyr aýrýdyń aldyn alýdaǵy tıimdiligi týraly aqparatty taratyp, úgit-nasıhat jumystaryn kúsheıtken.
Elge kelgen saıahatshylardan áýejaılarda betperde kıý, týrısik saqtandyrýdy satyp alý jáne nashar jeldetiletin jáne adam kóp jınalatyn oryndardy marshrýttan shyǵarý sıaqty aldyn alý sharalaryn qabyldaý usynyldy.