«Qazaqstan temir joly» ulttyq kompanıasy buǵan deıin BAQ-ta taraǵan poıyz bıletiniń qymbattaǵany týraly aqparatqa qatysty pikir bildirdi, dep habarlaıdy kompanıanyń baspasóz qyzmeti.
«Qazaqstan temir joly» AQ Ulttyq tasymaldaýshy bola otyryp, áleýmettik mańyzy bar óńiraralyq qatynas úshin temirjol tarıfi bıyl bir ret – 1 qańtardan bastap 7 paıyzǵa kóterilgenin habarlaıdy. Tarıfti ózgertý týraly sheshim Kólik mınıstrliginiń kelisimimen jáne shekti belgilengen baǵanyń jyl saıynǵy ósýi eskerile otyryp qabyldanǵan», – dedi kompanıanyń baspasóz hatshysy Narıman Dúısekeev.
Sondaı-aq «Qazaqstan temir joly» ulttyq kompanıasy áleýmettik mańyzy bar baǵyttar boıynsha júretin poıyzdardan bólek, 2014 jyldan beri komersıalyq poıyzdar da Qazaqstan boıynsha jolaýshylardy tasymaldap, jedel tasymaldaý qyzmetin usynatynyn atap ótti. Komersıalyq poıyzdarda bılettiń quny satyp alý merzimi men tasymaldaý suranysyna baılanysty bekitiledi.
Sonymen qatar Qazaqstan Respýblıkasynda jeke agenttik kasalar jumys isteıdi, keıbireýinde bıletterdi satyp alý úshin komısıa tóleýge týra keledi.