Quqyq qorǵaý qyzmeti aıasynda Bas kólik prokýratýrasy bıznes sýbektileriniń quqyqtaryna nuqsan keltiretin faktilerdi anyqtady, dep habarlaıdy almaty-akshamy.kz Bas kólik prokýratýrasyna silteme jasap.
2022 jyldan bastap qorshaǵan ortaǵa teris áser etkeni úshin tóleý boıynsha mindettemeler ózgertilip, kásipkerlerdiń jekelegen sanattary ekologıalyq tólemderden bosatylǵan.
Osyǵan qaramastan, bul mán-jaılardy bilmeı, kásipkerler tıisti tólemderdi júrgizýdi jalǵastyrdy, al salyq organdary olardyń negizsiz shyǵyndaryn boldyrmaý maqsatynda tıisti túsindirý jumystaryn júrgizbegen.
Mysaly, osyndaı tólemderdi tóleýshiler sanatyna kirmeıtin «№3 Sk avtovokzal parki» JSHS memlekettik búdjetke 15 mln astam teńge tólegen.
Sol sıaqty basqa 2 203 kásipker de búdjetke negizsiz 2,4 mlrd teńgeden joǵary qarajatty aýdarǵan.
Kólik prokýratýrasy organdarynyń aralasýynan keıin ǵana, kásipkerlerge olardy osyndaı alymdardy tóleýshiler tiziminen alyp tastaǵandyǵy týraly jetkizildi.
Sonymen qatar, kólik prokýratýrasynyń aktisi boıynsha kásipkerlerge aqshalaı qarajatty qaıtarý boıynsha jumys bastalǵan, 500 artyq kásipkerge shamamen 30 mln teńge qaıtaryldy.
Memlekettik kirister komıtetine salyq zańnamasyndaǵy ózgerister týraly aqparatty bıznes qaýymdastyqqa tıimdi jetkizý jónindegi sharalardy ázirleı otyryp, osyndaı jaǵdaıdyń týyndaý sebepterin taldaý tapsyryldy.