Bul mereıtoılyq bılettiń ıesi 11 jasar Aılına Erǵalı úshin kútpegen tosynsyı bolǵany anyq. Qyz bala anasy Qarlyǵash Erǵalıevamen birge Almatydan Astanaǵa №3/4 poıyzymen kelgen bolatyn.
«Nurly jol» temirjol vokzalynda bıylǵy jyldyń basynan bastap «Jolaýshylar tasymaly» AQ poıyzdarymen jolǵa shyqqan bes mıllıonynshy jolaýshyny quttyqtaý rásimi ótti, dep habarlaıdy Almaty-akshamy.kz Rail-news.kz-ke silteme jasap.
Ulttyq tasymaldaýshynyń ókilderi bes mıllıonshy jolaýshyǵa jumsaq oıynshyq, iPad gadjeti, symsyz qulaqqap pen anasyna gúl shoqtaryn tabys etti.
«Bul biz úshin kútpegen tosynsyı boldy. Perronda bizdi kóptegen adamdar qarsy alǵanyn kórgende, men qobaljyǵan bolatynmyn. Biraq osyndaı keremet syılyqtar alamyn dep oılamappyn. Bizdiń otbasymyz poıyzben saıahattaýdy jaqsy kóredi, al bul sapardy men ómir boıy este saqtaımyn. Uıymdastyrýshylarǵa úlken alǵys bildiremin,» - dep, Aılına Erǵalı áserimen bólisti.
Ulttyq tasymaldaýshy jyl saıyn temirjol qyzmetterin tańdaǵany úshin alǵysyn bildirý maqsatynda mıllıonshy jolaýshyny anyqtaýdy jaqsy dástúrge aınaldyrdy.