Qazaqstanda balalardy zorlyq-zombylyqtan qorǵaý, sýısıdtiń aldyn alý jáne olardyń quqyqtary men salamattylyǵyn qamtamasyz etý jónindegi 2023-2025 jyldarǵa arnalǵan keshendi jospar qabyldanyp, iske asyrylýda, dep habarlaıdy Almaty-akshamy.kz Oqý-aǵartý mınıstrligine silteme jasap.
«Óńirlik psıhologıalyq qoldaý ortalyqtaryn damytý boıynsha jumys júrgizilýde, bul balalardyń kásibı psıhologıalyq kómekke qol jetkizýin qamtamasyz etýge múmkindik beredi. Respýblıkada osyndaı 14 ortalyq ashyldy. Zorlyq-zombylyqtan zardap shekken balalardy anyqtaý jáne olarǵa kómek kórsetý boıynsha ádisteme qabyldandy. Balalardyń ál-aýqatyn jáne ártúrli salada balalarǵa jaǵdaı jasaýǵa baǵyttalǵan ulttyq saıasattyń tıimdiliginiń dárejesin baǵalaý úshin Balalardyń ál-aýqatynyń ındeksi ázirlenip, engizildi», - dedi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Budan bólek, balalarǵa qatysty zorlyq-zombylyq úshin jaýapkershilik zańnamalyq deńgeıde kúsheıtilgenin jáne Óńirlik balalar ombýdsmenderi quqyq qorǵaý ınstıtýtynyń mártebesi bekitilgenin atap ótti. Otbasy, áıelder jáne balalardyń quqyqtaryn qorǵaý máseleleri boıynsha «111» memlekettik biryńǵaı senim telefony quryldy.