JOO-dary 245-ke jýyq birlesken bilim berý jáne qos dıplomdyq baǵdarlamalardy iske asyrýda, dep habarlaıdy aqshamnews.kz
Times Higher Education reıtıńine qazaqstandyq 29 joǵary oqý orny qatysty, onyń ishinde 4 joǵary oqý orny tizimnen oryn aldy.
Jyl saıyn dáris oqytýǵa 200 sheteldik ǵalymdy shaqyrýǵa qarajat bólinedi. Tizilimge 8 myńnan astam bilim berý baǵdarlamasy engizildi, onyń 57%-y jańartyldy.
Sıfrlyq ýnıversıtetterdiń modeli jasaldy. 2023 jyldan bastap bul model 2 JOO: Q. Sátbaev atyndaǵy QazUTZÝ jáne D. Serikbaev atyndaǵy SHQTÝ bazasynda pılottyq rejımde iske qosyldy.
Yntymaqtastyqty damytý jáne oqytýdyń ınovasıalyq tehnologıalaryn qoldaný maqsatynda Coursera, Huawei Technologies Kazakhstan, Binance Kazakhstan sıaqty iri kompanıalarmen kelissózder júrgizilip, memorandýmdarǵa qol qoıyldy. Huawei sertıfıkattalǵan kýrstaryn usyný úshin 40 JOO bazasynda Huawei ICT Academy quryldy. Binance Kazakhstan qoldaýymen 22 JOO-nyń AKT fakúltetteriniń 350-ge jýyq oqytýshysy blokcheın-tehnologıalar boıynsha oqytyldy. Coursera jobasy búkil elimiz boıynsha 93 ýnıversıtetti qamtydy, bul suranysqa ıe daǵdylar boıynsha onlaın kýrstarǵa qol jetkizýge múmkindik berdi. 152 kýrs qazaq jáne orys tilderine aýdarylyp, 4 myń kýrsqa qazaq tilinde mashınalyq aýdarma jasaldy.
