Qazaqstanda konkýrs ótkizý arqyly rektorlardy taǵaıyndaýdyń jańa júıesi engizildi, dep habarlaıdy aqshamnews.kz
Rektorlyq korpýstyń 50%-dan astamy jańartyldy. Sheteldik jetekshi joǵary oqý oryndarynyń túlekteri, «Bolashaq» baǵdarlamasynyń stıpendıattary arasynan jas basqarýshylar keldi. Akademıalyq basymdyq ortalyqtaryn qurý boıynsha sharalar qabyldandy.
Aldaǵy ýaqytta 7 JOO bazasynda Akademıalyq basymdyq ortalyqtaryn qurý úshin 2025-2027 jyldarǵa arnalǵan ǵylymı zertteýlerdi baǵdarlamalyq-nysanaly qarjylandyrýǵa arnalǵan konkýrstarǵa qatysady dep josparlanýda. Q. Sátbaev atyndaǵy QazUTZÝ bazasynda ınjenerlik bilim men ǵylymdaǵy jańa tehnologıalardyń ǵylymı-zertteý habyn qura otyryp, 2022-2026 jyldarǵa arnalǵan damý baǵdarlamasy ázirlendi.
Bes joǵary oqý ornyna (M. Áýezov atyndaǵy Ońtústik Qazaqstan ýnıversıteti, E. Bóketov atyndaǵy Qaraǵandy ýnıversıteti, Q. Sátbaev atyndaǵy QazUTZÝ, L. Gýmılev atyndaǵy EUÝ, ál-Farabı atyndaǵy QazUÝ) zertteý ýnıversıteti mártebesi berildi.
