Qazaqstanda 120 joǵary oqý orny jumys isteıdi, onyń ishinde 11 ulttyq JOO bar, memlekettik JOO – 29, azamattyq emes JOO – 14, DBBU (derbes bilim berý uıymy) – 1, halyqaralyq – 1, aksıonerlengen – 16 jáne jekemenshik – 48, dep habarlaıdy aqshamnews.kz
Bilim alýshylar quramy 642,5 myńnan astam adamdy quraıdy, memlekettik tapsyrys boıynsha 255,6 myńnan astam stýdent oqyp jatyr. Túlekter sany 182,6 myń adam, onyń ishinde bakalavrıatta – 157 myń, magıstratýrada – 21 myń, doktorantýrada – 1,8 myńnan astam jáne rezıdentýrada – 2,1 myńnan astam adam oqıdy.
Jalpy profesor-oqytýshylar quramy 37,4 myń adamdy quraıdy, onyń 46,5%-nyń ǵylymı dárejesi bar (2023 jyly – 44,5%). Ǵylym kandıdattarynyń sany – 10,5 myń adam (2023 jyly – 10,4 myń), ǵylym doktorlary – 2,7 myńnan astam adam (2023 jyly – 2,6 myńnan astam), PhD doktorlary – 4,1 myńnan astam adam (2023 jyly – 3,7 myńnan astam).
Kadr daıarlaýǵa memlekettik tapsyrys kólemi jyl sanap artyp keledi. 2024-2025 oqý jylyna 94,2 myńnan astam grant bólindi (2023 jyly – 88,2 astam), onyń ishinde 78,2 myńnan astamy bakalavrıatqa, 13,1 myńy magıstratýraǵa jáne 2,9 myńy doktorantýraǵa berildi.
Jańadan qurylǵan jáne halyq tyǵyz qonystanǵan oblystardyń, batys óńirlerdiń jastaryna (Abaı, Ulytaý, Jetisý, Túrkistan, Mańǵystaý, Atyraý oblystary jáne Shymkent qalasy) jyl saıyn 5 myń nysanaly bilim berý granty bólinedi.
Baıqaý qorytyndysy boıynsha 412 jetim bala, 382 múgedektigi bar jan, kópbalaly otbasyndaǵy 3,5 myń astam bala, tolyq emes otbasyndaǵy 933 bala, múgedektigi bar balalardy tárbıelep otyrǵan otbasylardaǵy 437 bala oqý grantyn ıelendi.
Bıyl qabyldaý rásimin ózgertý nátıjesinde 1,6 myńnan astam etnıkalyq qazaqtar bilim granttaryn aldy (2023 jyly – 804).
