Qazaqstan Respýblıkasynyń Týrızm jáne sport mınıstri Erbol Myrzabosynov Mysyr Arab Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi Ibtıssam Rakha Hassan hanymmen kezdesti.
Kezdesý barysynda eki el arasyndaǵy týrızm jáne sport salasyndaǵy yntymaqtastyq jaıy talqylandy, dep habarlaıdy aqshamnews.kz Týrızm jáne sport mınıstrligine silteme jasap.
Mınıstr Erbol Myrzabosynov Mysyr men Qazaqstan arasyndaǵy tarıhı jáne mádenı baılanystardyń tereńde jatqanyn atap ótti.
«Elimizdiń aýmaǵynda týrızmniń barlyq derlik túrleri jyldan jylǵa damyp keledi. Tarıhı jáne zamanaýı qalalar, orman, taýlar men kólderdi qamtıtyn keremet tabıǵatymyz bar. Sondyqtan mysyrlyq týrıserge ekotýrızm, etnotýrızm jáne týrızmniń basqa da túrlerin usyna alamyz. Ókinishke qaraı, Mysyrdan Qazaqstanǵa keletin týrıser sany aıtarlyqtaı tómen. 2024 jyly bes myńǵa jýyq týrıs qana elimizge kelgen. Jalpy týrızm salasyndaǵy yntymaqtastyqty odan ári damytý jáne nyǵaıtý úshin múmkindik jetkilikti», — dedi mınıstr.
Sondaı-aq vedomstvo basshysy Mysyrdaǵy týrısik kompanıalardyń ókilderin 2025 jylǵy 23-25 sáýir aralyǵynda Almaty qalasynda ótetin halyqaralyq týrısik kórmege qatysýǵa shaqyrdy. Sonymen qatar qos tarap 2025 jylǵy jeltoqsanda týrızm salasyndaǵy ózara túsinistik týraly memorandýmǵa qol qoıýdy josparlap otyr.
Sport salasynda da yntymaqtastyq artyp keledi. 2024 jyly Mysyrda Qazaqstan sportshylary halyqaralyq jarystarǵa qatysyp, eki el arasyndaǵy sporttyq baılanystardy nyǵaıtýǵa úles qosqan. Sonymen qatar byltyr Astana qalasynda ótken 5-shi Dúnıejúzilik kóshpendiler oıyndaryna Mysyr sportshylary qatysqanyn erekshe atap ótken jón.
Kezdesý qorytyndysynda taraptar birlesken jobalardy damytýǵa jáne uzaq merzimdi yntymaqtastyqty nyǵaıtýǵa daıyn ekendikterin málimdedi. Mınıstr Ibtıssam Rakha Hassan hanymnyń Qazaqstandaǵy dıplomatıalyq qyzmetine tabys tilep, eki el arasyndaǵy seriktestikti nyǵaıtýǵa degen talpynysy úshin alǵys bildirdi.