Táýelsizdiktiń 30 jyldyǵyna oraı kimder raqymshylyqqa ilinedi
QR Pralamenti Májilisiniń plenarlyq otyrysynda İshki ister mınıstri Erlan Turǵymbaev «Qazaqstan Respýblıkasy Táýelsizdiginiń 30 jyldyǵyna baılanysty raqymshylyq jasaý týraly» zań jobasyn tanystyrdy, dep habarlaıdy Almaty-akshamy.kz
«Onyń maqsaty – asa aýyr emes jáne aýyrlyǵy ortasha qylmys úshin jazadan bosatý jáne keıbir aýyr, asa aýyr qylmystar úshin jaza merzimin qysqartý. Raqymshylyq ardagerlerge, kámeletke tolmaǵandarǵa, jasy úlkenderge, birinshi jáne ekinshi toptaǵy múgedekterge, qoǵamǵa qaýip tóndirmeıtin adamdarǵa qoldanylady», - dedi mınıstr.
Onyń málimeti boıynsha, zań jobasyn talqylaýǵa memlekettik organ ókilderi, qoǵam qaıratkerleri jáne sarapshylar atsalysqan.
«Elimizdegi 64 mekeme men 16 tergeý ızolátorynda 34 myń adam bar. Onyń ishinde 30 myń azamatqa sot úkimi shyqqan. Qalǵan 5 myń adam tergeýde qamaýda otyr. 93 paıyzy aýyr jáne asa aýyr qylmys jasaǵany úshin qamaýda otyr. 45 paıyzy onyń aldynda birneshe ret sottalǵan. Sonymen qatar, 32 myń adam probasıalyq baqylaýda», - dedi Erlan Turǵymbaev.