Velosıpedter bir jylda 700 myń ret jalǵa berildi
Bıyl elordada «Velobike» velomaýsymy 15 sáýirden 31 qazanǵa deıin sozyldy. Osy ýaqyt ishinde velosıpedterdi 11 myńnan astam adam paıdalandy, 12 myńnan astam abonement satyp alyndy. Velosıpedter 700 myń ret jalǵa alynǵan, dep habarlaıdy Almaty-akshamy.kz
Velomaýsym bastalǵannan beri paıdalanýshylar 1,5 mıllıon shaqyrym qashyqtyqty júrip ótken. Olardyń biri osy kezeńde 7,5 myń qashyqtyqty eńserdi. Bıylǵy maýsymda qalanyń ár jerinde 155 velostansıa ornatylyp, jalǵa alýǵa barlyǵy 1 myńnan kóp velosıped usynyldy.
Eske salaıyq, Qazaqstandaǵy alǵashqy velosherıng júıesi elordada 2014 jyly iske qosyldy. Búginde velosıpedti jalǵa alý prosedýrasy jeńildetilgen. Ol úshin velobike.kz saıtynda onlaın tirkeýden ótip, logın men paról alý jetkilikti. Kaspi.kz jáne Qiwi arqyly onlaın tóleý fýnksıalary engizildi. Velosıpedterdi 16 jasqa tolǵan azamattar jalǵa ala alady.
Abonementterdi velobike.kz saıtynda jáne City Transportation Systems kasalarynda satyp aýǵa bolady. Aıta keteıik, velomaýsym aıaqtalǵannan keıin abonenttik tólem kelesi maýsymǵa saqtalmaıdy. Tek teńgerim aýystyrylady. Qajet bolǵan jaǵdaıda shottaǵy qarajatty R. Qoshqarbaev dańǵyly, 50/1 mekenjaıyndaǵy ortalyq kasadan qaıtarýǵa bolady. Jańa velomaýsym 2022 jyldyń sáýir aıynda qaıta bastalatyny josparlanǵan.