Bes jyl ishinde Áýe qorǵanysy kúshteriniń UUA mamandaryn daıarlaý ortalyǵy 100-den astam áskerı qyzmetshi daıyndady
Áýe qorǵanysy kúshteriniń UUA mamandaryn daıarlaý ortalyǵynda ushqyshsyz ushatyn apparattardy basqarý boıynsha mamandardy oqytý kýrsy ótedi, dep habarlaıdy Almaty-akshamy.kz Qorǵanys mınıstrliginiń baspasóz qyzmetine silteme jasap.
Bolashaq UUA operatorlary bul qurylǵynyń teorıalyq negizderin jáne olardyń materıaldyq bóligin zerdeleıdi. Synaqtar tapsyrǵan soń bilim alýshylar ushqyshsyz ushý apparattaryn alǵash ret ózderi basqaryp ushyratyn bolady.
Qarýly kúshterdiń qatysýymen ótkiziletin oqý-jattyǵýlar men is-sharalardy qamtamasyz etý barysynda ushqyshsyz ushý apparattarymen jumys jasaýda mol tájirıbesi bar bilikti mamandar sabaqtardy júrgizedi.
«Qazaqstan Prezıdentiniń tapsyrmasyna sáıkes Qarýly kúshterdi keshendi jáne júıeli damytý, eldiń qorǵanys qabiletin odan ári arttyrý jónindegi mindetterdi iske asyrýda. Ushqyshsyz ushatyn tehnologıalardy engizý men olardy qoldanýǵa nazar aýdarýda, olardyń qoldanylý aıasy men suranysy keńeıý ústinde. Sonymen qatar, tıisti mamandardy daıarlaý qajettiligi de artýda», - delingen habarlamada.
Bes jyl ishinde bul Ortalyq 100-den astam áskerı qyzmetshi daıyndady. Alǵashqy oqyǵan mamandar búgingi kúni áskerı bólimderinde ózderiniń bilimderin bólisýde. Ótken jyly kýrstyq daıyndyqqa alǵash ret Zymyran áskerleri men artılerıa ókilderi tartyldy. Onda ushqyshsyz ushatyn qurylǵylaryn barlaý maqsattaryna, atysty baǵyttaýǵa jáne oq atýdy túzetýge keńinen qoldanylady.