Qazaqstannyń ulttyq paralımpıada quramasynyń quramyna 5 sportshy kirdi
Qazaqstannyń paralımpıada quramasy qysqy oıyndarǵa qatysý úshin Beıjińge ushyp ketti. Olar 25 aqpanda keshki reıspen jolǵa shyqty, dep habarlaıdy Almaty-akshamy.kz Sputnik Qazaqstanǵa silteme jasap.
Beıjiń – 2022 XIII qysqy Paralımpıada oıyndary 2022 jyldyń 4-13 naýryz aralyǵynda ótedi, oǵan álemniń 50 elinen 700-den astam sportshy qatysady.
Ulttyq paralımpıada komıtetiniń habarlaýynsha, Qazaqstannyń ulttyq paralımpıada quramasynyń quramyna 5 sportshy kirdi. Olar: Aleksandr Gerlıs, Erbol Hamıtov, Sergeı Ýsolsev, Iýrıı Berezın jáne Denıs Petrenko.
Qazaqstannyń paralımpıadashylary eki sport túri boıynsha óner kórsetedi: para shańǵy jarysy jáne para bıatlon.
Oıyndardyń ashylý saltanaty 2022 jyldyń 4 naýryzynda Nur-Sultan ýaqytymen 22.00-de ótedi.
Para shańǵy jarysy boıynsha Álem kýbogynyń qola júldegeri, halyqaralyq dárejedegi sport sheberi Erbol Hamıtov Qazaqstan Paralımpıada quramasynyń tý kóterýshisi bolyp bekitildi.