Meıram Qajyken týǵan ólkesi – Pavlodar oblysynan bastap Qazaqstannyń barlyq óńirlerin aralady, dep habarlaıdy Almaty-akshamy.kz.
Pavlodarǵa úmitker avtokolonnanyń súıemeldeýimen shyqty. Ol óziniń saılaý naýqanyn sımvolıkalyq túrde aıaqtady. Shtab qyzmetkerleri oǵan estelik aksıa daıyndady. Olar Shymkenttegi alańǵa úgit-nasıhat atrıbýttary bar avtokóliktermen kelip, kólikterden MEIRAM sózin qurastyrdy. Kortejdi jaýyp turǵan kólikten úmitkerdiń ózi shyqty. Alańda ony eriktiler kútti.
"Búgin men saılaý aldyndaǵy úgitimdi aıaqtap jatyrmyn. Osy ýaqyt ishinde men komandamen Qazaqstannyń 14 óńirinde boldym, onda myńdaǵan saılaýshylarmen: jumysshylarmen, qyzmetshilermen, stýdenttermen, zeınetkerlermen kezdestim. Júzdegen usynystar men naqty máselelerdi tapsyrmalardy tyńdadym. Adamdar jaqsy jaqqa ózgergisi keletinin túsindim. Bul eń mańyzdysy! Ókinishke qaraı, 6 oblysqa barýǵa ýaqyt tapshy boldy. Saılaýshylardan keshirim suraımyn", - dedi kandıdat qorytyndylaı kele.
Sondaı-aq, qalanyń aspanyna adamnyń bostandyǵyn, qadir-qasıetin, ál-aýqatyn, táýelsizdigi men jaýapkershiligin beıneleıtin aerostat ushyryldy. Prezıdenttikke kandıdat óziniń saılaýaldy baǵdarlamasynda osy qaǵıdattardyń barlyǵyn alǵa tartady.
Úgit-nasıhat kezeńiniń sońǵy kúninde M. Qajyken qasıetti oryn – Túrkistanda boldy. Ol barlyq aımaqtyq saılaý shtabtarynyń qyzmetkerlerine, seriktesteri men jaqyndaryna kómek pen qoldaý kórsetkeni úshin alǵys aıtty.
"Meniń senimdi adamdaryma, shtab qyzmetkerlerine jáne búkil Qazaqstan boıynsha eriktilerge kúndelikti eńbegińiz úshin alǵys aıtamyn. Sizder oblys ortalyqtarynan shalǵaı aýdandarǵa bardyńyzdar, ujymdarmen sóılestińizder, kez kelgen aýa-raıynda paraqshalar tarattyńyzdar. Siz keremet jumys jasadyńyzdar. Kóp raqmet. Biz jeńe alatynymyzǵa senimdimin", - dedi Meıram Qajyken.
Árbir kezdesýde ol qandaı jaǵdaılarǵa tap bolmasyn – meıli ol GES – tegi gıdrogeneratorlardyń nemese shahtalardaǵy burǵylaý mashınalarynyń shýy bolsyn, elektr mys balqytý peshinen shyqqan shý bolsyn nemese teńiz portyndaǵy júk kemeleriniń uzyn júktasyǵyshtarynyń kedergileri bolsyn-M.Qajyken árqashan saılaýshylarǵa áleýmettik, ekonomıkalyq jáne saıası salalardy reformalaý boıynsha óz usynystaryn jetkizip otyrdy.
Ol eń tómengi jalaqy esepteýlerin, azyq-túlik qorjynynyń quramyn qaıta qaraýdy, zeınetaqyny arttyrýdy, zıandy jáne qaýipti óndiristerde jumys isteıtin áıelder men jumysshylardyń zeınetkerlik jasyn azaıtýdy usynady. Óz baǵdarlamasynda kandıdat áskerı-ónerkásiptik keshen qurýdy, atqarýshy bılikti reformalaýdy, joǵary jáne joǵary oqý ornynan keıingi bilim berýdi jańǵyrtýdy, respýblıkalyq búdjettiń densaýlyq saqtaýǵa arnalǵan qarajatyn ulǵaıtýdy jaqtaıdy.
Biraq Meıram Qajyken ózi úshin eń basty mindet azamattyq qoǵamdy damytý bolyp tabylady.
"Baǵdarlamanyń basty baǵyty-adam, onyń quqyqtary men múddelei.Qazaqstanda júzege asyra alatyn múmkindikteri men qabiletteri. Ol úshin memleket qolaıly jaǵdaı jasaýy kerek", - dedi ol.
Esterińizge sala keteıik, ónerkásiptik, energetıkalyq, munaı jáne basqa da kásiporyndardaǵy kezdesýler kezinde qyzmetkerler eńbek adamyn beıneleıtin jáne qoldaýdy bildiretin meıram Qajykenge qorǵanys kaskalaryn tabystaǵan bolatyn.
Meıram Qajykenge kaska tapsyrý trendke aınaldy. Ótken aıda elordalyq shtab poshta arqyly qurylysshylardan, munaıshylardan, kenshiler men metalýrgterden senim kaskalaryn aldy. Sálemdemeler Qyzylorda, Taldyqorǵan, Petropavl, Qaraǵandy, Almaty, Mańǵystaý oblysy, Pavlodar, Arqalyq, Kókshetaýdan keldi. Jiberý sátin jumysshylar beınege túsirip, áleýmettik jelilerde jarıalady.
Kandıdat 21 qazanda – úgit-nasıhat bastalyp, saılaý shtabtary ashylǵan kúni kásipodaq ókilderinen alǵashqy kaskasyn alǵan bolatyn.