QR Premer-Mınıstri Álıhan Smaıylov Qazaqstan, Ózbekstan jáne Reseı arasynda «gaz odaǵyn» qurý múmkindigine qatysty pikir bildirdi, dep habarlaıdy QazAqparat tilshisi.
«Qazirgi ýaqytta úshjaqty gaz odaǵyn qurý boıynsha resmı usynys alǵan joqpyz. Alǵan kezde ony qarastyra jatarmyz», - dedi Álıhan Smaıylov Úkimet otyrysynan keıin BAQ ókilderiniń saýalyna oraı.
Úkimet basshysynyń atap ótýinshe, Reseımen aradaǵy gazben qamtý salasyndaǵy yntymaqtastyq máselesi ekijaqty kelissózder arqyly júrgizilip jatyr.
«Taıaý ýaqytta «Gazprommen» kelissózdiń kelesi kezeńin kútip otyrmyz. Búkil qarym-qatynas komersıalyq jáne ózara tıimdi sharttarmen jasalady. Biz ekijaqty formattaǵy jumysty jalǵastyramyz», - dedi Premer-Mınıstr.