Jelilik polısıa bóliminiń qyzmetkerleri olardy Almaty áýejaıynda ustady
Úndistannyń úsh azamaty QR kóshi-qon zańnamasyn buzǵany úshin elden tysqary shyǵaryldy, dep habarlaıdy Almaty-akshamy.kz Polisia.kz-ke silteme jasap.
Osy jyldyń basynan beri kólik polıseıleri Qazaqstannyń kóshi-qon zańnamasyn buzǵany úshin 121 azamatty, onyń ishinde 86 sheteldikti Qazaqstan aýmaǵynda bolý erejelerin buzǵany úshin ákimshilik jaýapkershilikke tartty. Bul týraly kóliktegi polısıa departamenti bastyǵynyń birinshi orynbasary Madıar Aıtýǵanov aıtty. Onyń aıtýynsha, Almaty qalasynyń áýejaıyndaǵy jelilik polısıa bóliminiń qyzmetkerleri reıdtik is-sharalar júrgizý kezinde QR kóshi-qon zańnamasyn buzǵan 19, 21 jáne 32 jastaǵy Úndistan azamattaryn anyqtady. Olar zańnamada belgilengen merzim ótkennen keıin on táýlikten astam ýaqyt ishinde ketýden jaltarǵan.
– Kólik polıseıleri sheteldik azamattarǵa qatysty QR ÁQBtK-niń 517-babynyń 4-bóligi (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha ákimshilik hattama toltyrdy. Dál osyndaı quqyqbuzýshylyq Shý stansıasynda Kókshetaý–Qyzylorda baǵytyndaǵy jolaýshylar poıyzyn tekserý kezinde de anyqtaldy. Bul joly Tájikstan Respýblıkasynyń 28 jastaǵy azamatyna qatysty QR ÁQBtK-niń 517-baby 4-bóligi (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) boıynsha ákimshilik materıal toltyryldy. Sondaı-aq ákimshilik quqyq buzýshylyqtar jónindegi sottyń sheshimimen joǵaryda atalǵan quqyqbuzýshylar QR aýmaǵyna kirýge 5 jyl merzimge tyıym salý belgilenip, Qazaqstan Respýblıkasynan tys jerlerge shyǵaryp jiberý túrinde jaýapqa tartyldy, – dep sózin túıindedi Madıar Aıtýǵanov.