Kásipkerler 50 kıiz úı satyp alyp, áýejaıdyń qoımasyna jetkizgen
Qazaqstandyqtar Túrkıada zilzaladan zardap shekkenderge 100-den astam kıiz úı jiberedi, dep habarlaıdy Almaty-akshamy.kz QazAqparatqa silteme jasap.
Kómekti uıymdastyrýshy Nurbek Bekbaý qazaqstandyqtardyń 20 mln teńgeden astam qarajat jınaǵanyn aıtty. 17 mln 300 myń teńgege 45 kıiz úı alynǵan. Keıin taǵy 2 mln 700 myń teńgege turmystyq zattar (oshaq, qazan, ydys-aıaq) alynady.
Odan bólek, otandyq kásipkerler 50 kıiz úı satyp alyp, áýejaıdyń qoımasyna jetkizgen.
Buǵan deıin qazaqstandyqtar Túrkıada zardap shekkenderge kıiz úı alýǵa 18 mln teńge jınaǵany habarlanǵan edi.
«Kıiz úıdiń psıhıkalyq, psıhologıalyq mańyzy da bar. Túrikter Qazaqstandy «Atajurt» dep ataıdy, óıtkeni Qazaqstan aýmaǵy – barlyq túrkilerdiń, onyń ishinde qazirgi túrikterdiń ata-babalarynyń otany. Biz Túrkıadaǵy baýyrlarymyzǵa árqashan kómek kórsetetinimizdi jáne yntymaqty kórsetkimiz keledi», - dedi Nurbek Bekbaý.