QR Konstıtýsıalyq Soty Salyq kodeksi normalarynyń Konstıtýsıaǵa sáıkestigin tekserý boıynsha isti qarady
17 aqpanda Konstıtýsıalyq Sot «Salyq jáne búdjetke tólenetin basqa da mindetti tólemder týraly» Qazaqstan Respýblıkasy Kodeksiniń keıbir erejeleriniń konstıtýsıalylyǵyn tekserý týraly isti qaraýdy bastady, dep habarlaıdy Almaty-akshamy.kz.
Bul is azamattyń memlekettik baj mólsherine qatysty Joǵarǵy sotqa shaǵymdanýymen baılanysty boldy.
2023 jylǵy 24 qańtarda az. E. Dosmaǵambetovten «Salyq jáne búdjetke tólenetin basqa da mindetti tólemder týraly» Qazaqstan Respýblıkasy Kodeksiniń 610-baby 1-tarmaǵy 1) tarmaqshasynyń jáne 2-tarmaǵynyń Konstıtýsıaǵa sáıkestigin qaraý týraly ótinish tústi.
Azamat óziniń aryzynda daýlanyp otyrǵan norma Qazaqstan Respýblıkasy Konstıtýsıasynyń 13-babynyń 2-tarmaǵyn, 14-babyn, sondaı-aq 1948 jylǵy 10 jeltoqsandaǵy BUU Bas Assambleıasynyń 217 A (III) qararymen qabyldanǵan Adam quqyqtarynyń jalpyǵa birdeı deklarasıasynyń 7-babyn jáne 1966 j. 16 jeltoqsanda qabyldanǵan jáne 2005 jylǵy 28 qarashadaǵy №91-III zańmen ratıfıkasıalanǵan Azamattyq jáne saıası quqyqtar týraly halyqaralyq paktiniń 2-babyn buzady dep kórsetken.
Buǵan deıin 2018 jyly shyǵarylǵan sot sheshimimen kelispegendikten, azamat sot aktilerine Joǵarǵy sotqa shaǵymdanǵan. Alaıda aryzdanýǵa baılanysty belgilengen memlekettik baj (ótinish berýshi habarlaǵandaı, shamamen 2 mln. teńge mólsherinde) onyń Qazaqstan Respýblıkasy Konstıtýsıasynyń 13-babynyń 2-tarmaǵynda kózdelgen sot qorǵaýyna quqyǵyn shekteıdi.
2018 jyldan bastap E.N.Dosmaǵambetov Joǵarǵy Sotqa ótinishpen úsh ret júgingen, ótinish ıesiniń aryzyn memlekettik bajdy tólemeýine baılanysty qaraýdan bas tartqan.
Konstıtýsıalyq Sotta azamattyń múddesin advokat qorǵady.
Ótinishtiń máni boıynsha Konstıtýsıalyq Sot Parlament Senatynyń, Bas prokýratýranyń, qarjy, ádilet jáne Ulttyq ekonomıka mınıstrlikteriniń, adam quqyqtary jónindegi ýákildiń ókilderin tyńdap, sondaı-aq Respýblıkalyq notarıattyq palatanyń, Respýblıkalyq advokattar alqasynyń, Qarjy jáne salyq quqyǵy ǵylymı-zertteý ınstıtýtynyń jáne Kaspıı ýnıversıtetiniń qorytyndylaryn zerdeledi.
Ótinishti qaraý qorytyndysy boıynsha Konstıtýsıalyq Sottyń normatıvtik qaýlysy zańnamalyq aktilerdi resmı jarıalaý quqyǵyn alǵan merzimdi baspasóz basylymdarynda, quqyqtyq aqparattyń biryńǵaı júıesinde, Konstıtýsıalyq Sottyń ınternet-resýrsynda, sondaı-aq basqa da derekkózderde ornalastyrylatyn bolady.