Almaty qalasynyń avıasıalyq kólik prokýratýrasy jolaýshylar quqyǵyn saqtaý máselesi boıynsha «Flaı Arystan» AQ avıakompanıasyna tekserý júrgizdi, dep habarlaıdy Almaty-akshamy.kz.
Tekserý kórsetkendeı, avıakompanıa halyqaralyq reısterge bıletterdi satý kezinde 2 jastan 12 jasqa deıingi kámeletke tolmaǵan jolaýshylarǵa arnaıy 50% jeńildikti qoldanbaǵan.
Mysaly, 2022 jyldyń qańtarynan qazanyna deıin halyqaralyq baǵyttar boıynsha standartty tarıf boıynsha 3 myńnan astam kámeletke tolmaǵan bala tasymaldanǵan.
Prokýratýranyń usynýy negizinde Azamattyq avıasıa komıteti avıakompanıaǵa qatysty Ákimshilik quqyq buzý kodeksiniń 571-babynyń 1-bóligi boıynsha ákimshilik hattama toltyrdy.
Jınalǵan materıaldar Almaty qalasynyń ákimshilik quqyqbuzýshylyqtar jónindegi mamandandyrylǵan aýdanaralyq sotynda qaraldy.
16 aqpan kúni jolaýshylardy tasymaldaý erejelerin buzǵany úshin avıakompanıany ákimshilik jaýapkershilikke tartý jóninde qaýly qabyldandy.
Sot aktisi zańdy kúshine engen joq.