«Beıbitshilik úshin birge» uranymen ótken jattyǵýǵa júzden astam eldiń ókilderi shaqyryldy
Qazaqstan Qorǵanys mınıstrliginiń delegasıasy Qarýly Kúshterdiń Áskerı-teńiz kúshteri bas qolbasshysynyń orynbasary, 1-dárejeli kapıtan Danıar Haırýshevtiń basshylyǵymen Pákistanǵa bardy, dep habarlaıdy Almaty-akshamy.kz.
Qazaqstandyqtar Pákistan Qarýly Kúshteri Áskerı-teńiz kúshteriniń bas qolbasshysy, admıral Muhammed Amdjad Han Nıazıdiń shaqyrýymen AMAN-2023 kópjaqty áskerı-teńiz jattyǵýyna baqylaýshylar retinde qatysýǵa Qarashıge keldi.
«Beıbitshilik úshin birge» uranymen ótken jattyǵýǵa júzden astam eldiń ókilderi shaqyryldy. Atalmysh oqý-jattyǵýlar elder arasyndaǵy áskerı yntymaqtastyqty damytýǵa, kemeler qarqyndy qatynasatyn aýdandarda jáne izdestirý-qutqarý operasıalaryn júrgizý kezinde teńiz qaraqshylyǵynan keletin qaýip-qaterlerin toıtarý boıynsha áskerı teńizshiler arasynda tájirıbe almasýǵa baǵyttalǵan.
Sapar barysynda qazaqstandyqtar áskerı-teńiz ónimderin shyǵarýǵa mamandanǵan kásiporyndardyń jańa tehnologıalary men ázirlemeleri qoıylǵan I Halyqaralyq teńiz kórmesine bardy. Kásibı tájirıbe almasý turǵysynan PIMEC-2023 halyqaralyq konferensıasynyń da paıdasy zor.