2023 jylǵy 21 shildede QR Ǵylym jáne joǵary bilim mınıstri Saıasat Nurbek Almatyǵa sapary aıasynda Abaı ýnıversıtetinde boldy.
Mınıstrmen kezdesý barysynda rektor Darhan Bilálov ýnıversıtet ınfraqurylymyn damytý tujyrymdamasy týraly tolyq aqparat berip, «EdSmart Premium LED Doska» ınteraktıvti beınejazbasynyń mýltımedıalyq stýdıasy men KazDual observatorıasynyń jumysymen tanystyrdy, dep habarlaıdy Almaty-akshamy.kz. Ozyq tehnologıalarmen jabdyqtalǵan jáne oqý prosesinde belsendi qoldanystaǵy eki nysan da qonaqtardyń úlken qyzyǵýshylyǵyn týdyrdy. Bul kezdesý ýnıversıtettiń qyzmeti men tehnıkalyq jabdyqtalýyn baǵalaýǵa múmkindik berdi.
Elimizdegi tuńǵysh joǵary oqý orny – Abaı atyndaǵy QazUPÝ-da jańa oqý jylyna qyzý daıyndyq júrip jatqanyn aıta ketken jón. Qazirgi ýaqytta oqý ǵımarattary men jataqhanalardy qaıta jańartý, oqý aýdıtorıalary men kovorkıng-ortalyqtaryn jańa qurylǵylarmen jáne jıhazdarmen jabdyqtandyrý, oqytýshylar men stýdentterge qolaıly jaǵdaı jasaý úshin barlyq prosesterdi sıfrlandyrý, sondaı-aq búkil ýnıversıtet keshenin jańǵyrtý jumystary jalǵasýda.
Rektor Abaı atyndaǵy QazUPÝ ǵımarattary 19 ǵasyrdyń aıaǵynan ótken ǵasyrdyń 80 jyldaryna deıin salynǵanyn, sondyqtan tarıhı ǵımarattardyń erekshelikteri men ishki dekor elementterin saqtaı otyryp, ýnıversıtettiń ınfraqurylymyn jańartý boıynsha belsendi jumys júrgizilip jatqanyn atap ótti.
«Ótken jyly 3500 stýdentti jataqhanadan orynmen qamtamasyz etý arqyly olardyń turǵyn úı jaǵdaıyn jaqsarttyq. Jańa oqý jylynda da biz stýdentterdi jataqhanalarmen qamtamasyz etýge daıynbyz, ol úshin oqý ǵımaratyn jataqhana etip qaıta qurý josparlanýda, jataqhanalar salý úshin ınvestorlar izdestirilýde. Barlyq jeti ınstıtýttyń ınfraqurylymyn damytýǵa jáne oqý prosesin jańǵyrtýǵa úlken mán beremiz, bul bizdiń stýdentterdiń qajettilikterin barynsha qanaǵattandyrýǵa múmkindik beredi», - dedi D.Bilálov.
Mınıstr ýnıversıtettiń Qabyldaý komısıasynda bolyp, Óner, mádenıet jáne sport ınstıtýtynda shyǵarmashylyq emtıhandardyń ótkizilý barysymen tanysty. El jastarynyń joǵary bilim alýyna múmkindik berýdiń mańyzdylyǵyna toqtalyp, Qabyldaý komısıasynyń jumysyna sáttilik tiledi.
«Bilim berý men joǵary bilimdi damytýǵa ınvestısıalar Qazaqstan úkimeti úshin basymdyq bolyp tabylady», - dep atap ótken S.Nurbek Abaı ýnıversıtetin damytýdyń strategıalyq josparlarynyń júzege asatynyna senim bildirdi.