QR Premer-Mınıstriniń birinshi orynbasary R. Sklárdyń tóraǵalyǵymen otandyq aýyl sharýashylyǵy taýaryn óndirýshilerin (ASHTÓ) dızel otynymen qamtamasyz etý boıynsha jumys keńesi ótti.
«QazMunaıGaz» UK AQ men Energetıka mınıstrligi egin jınaý naýqany kezindegi ASHTÓ operatorlaryn dızeldik otynmen qamtamasyz etý boıynsha aǵymdaǵy jaǵdaı týraly baıandady, dep habarlaıdy Almaty-akshamy.kz.
«QazMunaıGaz» UK AQ basqarma tóraǵasy M. Myrzaǵalıev jeńildetilgen dızel otynyn satyp alýǵa ýákiletti óńirlik operatorlardy anyqtaý qarqynynyń baıaý, sondaı-aq QMG MÓZ dızel otynyn ASHTÓ-ge basymdyqpen jóneltýdi júzege asyrýǵa daıyndyǵyn atap ótti.
Talqylaý nátıjesinde Energetıka jáne Aýyl sharýashylyǵy mınıstrlikterine, sondaı-aq oblys ákimdikterine aýyl sharýashylyǵy taýaryn óndirýshileriniń suranysyn der kezinde qanaǵattandyrý boıynsha jedel sharalar qabyldaý tapsyryldy.
Aıta keteıik, ASHTÓ úshin dızel otynyn jetkizý Úkimettiń baqylaýynda.