Eýropalyq odaq Qazaqstannyń eń iri saýda jáne ınvestısıalyq seriktesi.
Astanada QR Premer-Mınıstri Álıhan Smaıylovtyń tóraǵalyǵymen «Qazaqstan-Eýroodaq» dıalog platformasynyń 13-shi otyrysy ótti, dep habarlaıdy Almaty-akshamy.kz
Eýropalyq ınvestısıalardyń jalpy kólemi $175 mlrd-tan asty.
6 aıda EO elderi QR ekonomıkasyna $5,2 mlrd ınvestısıa saldy.
«Qazaqstannyń syrtqy saýdasynda EO úlesi shamamen 30%-dy quraıdy. 10 aıda taýar aınalymy $34 mlrd-tan asty. Bul kórsetkishter saýda-ekonomıkalyq yntymaqtastyqty arttyrýǵa negizdelgen júıeli baǵytymyzdy aıqyndaı túsedi»,-dedi Álıhan Smaıylov.
Bıznes úshin qolaıly jaǵdaılar jasaý jáne ınvestısıalyq ahýaldy jaqsartý Úkimettiń basym mindetteriniń biri ekeni atap ótildi.
«Biz sapaly jáne uzaq merzimdi ınvestısıalardy tartý úshin barynsha qolaıly jaǵdaılar jasaýǵa umtylamyz. Ol úshin eń úzdik álemdik standarttarǵa sáıkes ınvestısıalardy qoldaýdyń normatıvtik-quqyqtyq bazasy men quraldary turaqty negizde jetildirilip otyrady»,-dedi Álıhan Smaıylov.
Jalpy, Premer-Mınıstrdiń aıtýynsha, QR Úkimeti qolaıly ınvestısıalyq ahýal jasaýǵa baǵyttalǵan memlekettik saıasatty kezeń-kezeńmen jalǵastyrady.