Sebebi, Egıpette denge bezgegine uqsas belgisiz aýrý tirkelgen.
QR DSM Sanıtarlyq-epıdemıologıalyq baqylaý komıtetiniń málimetinshe, Egıpette belgileri denge bezgegine uqsas belgisiz aýrýdyń jaǵdaılary tirkelgen, dep habarlaıdy Almaty-akshamy.kz
Denge bezgegi – adamǵa ınfeksıa juqtyrǵan masalardyń shaǵýy arqyly beriletin vırýstyq ınfeksıa. Aýrý adamnan adamǵa aýa tamshylary arqyly berilmeıdi.
Aýrý tropıkalyq jáne sýbtropıkalyq elderde taralady. DDU málimetteri boıynsha, Afrıka, Amerıka, Shyǵys Jerorta teńizi, Ońtústik-SHyǵys Azıa jáne Batys Tynyq muhıtynyń 100-den astam eli endemıkalyq bolyp keledi.
Qazaqstanda jyl saıyn aýrýdyń jekelegen jaǵdaılary tirkeledi. Aǵymdaǵy jyly denge bezgegi boıynsha qolaısyz elderden (Taıland) kelgen adamdar arasynda onyń 2 jaǵdaıy tirkeldi.
Aýrý dene temperatýrasynyń joǵarylaýy, bas aýrýy, deneniń aýyrýy, júrek aınýy túrinde kórinedi, áıtse de kóp jaǵdaıda aýrý sımptomsyz ótedi jáne naýqastyń jaǵdaıy 1-2 aptadan keıin jaqsarady.