Prezıdent Saýd Arabıasy Qazaqstannyń ıslam jáne arab álemindegi negizgi strategıalyq seriktesi ekenin aıtty.
Qasym-Jomart Toqaev Saýd Arabıasynyń taq murageri Muhammed ben Salman Ál Saýdpen kezdesti, dep habarlaıdy Almaty-akshamy.kz
Aqordanyń baspasóz qyzmetiniń habarlaýynsha, Prezıdent Qasym-Jomart Toqaev Saýd Arabıasynyń taq murageri, premer-mınıstri Muhammed ben Salman ben Ábdelazız Ál Saýdqa iltıpat bildire otyryp, "Ortalyq Azıa + Shyǵanaqtaǵy arab memleketteriniń yntymaqtastyq keńesi" atty memleketter basshylarynyń birinshi samıtine qatysýǵa shaqyrǵany jáne qonaqjaılyq kórsetkeni úshin alǵys aıtty.
Qasym-Jomart Toqaev Saýd Arabıasy Qazaqstannyń ıslam jáne arab álemindegi negizgi strategıalyq seriktesi ekenin aıtty.
Kezdesý barysynda saýda-ekonomıka, ınvestısıa, energetıka, "jasyl" energetıka, týrızm, aýyl sharýashylyǵy jáne kólik-logıstıka salalaryndaǵy yntymaqtastyq máseleleri qarastyryldy.
Óz kezeginde taq murageri Muhammed ben Salman ben Ábdelazız Ál Saýd Qazaqstan Saýd Arabıasynyń Ortalyq Azıa aımaǵyndaǵy mańyzdy ári senimdi seriktesi ekenin atap ótti.
Onyń aıtýynsha, saýda-ekonomıkalyq jáne ınvestısıalyq baılanystardy odan ári damytyp, nyǵaıtý úshin mol áleýet bar. Sondaı-aq ol ekijaqty qatynastardy jańa deńgeıge kóterý úshin kúsh salýǵa nıetti ekenin jetkizdi.